49:281  281  CAPUT  XV.  282  27.  M  debitores  ipsorum  sunt.  Nemo  non  videt,  quod  de  obligatione  hic  dicitur,  non  tam  Corinthiorum  causa,  quam  propter  Romanos  ipsos  dici.  Nihilo  enim  plus  Corinthii  vel  Macedones  quam  Romani  Iudaeis  debebant.  Addit  obligationis  causam,  quod  evangelium  ab  illis  acceperant:  et  argumentum  sumit  ex  comparatione  minoris  cum  maiori,  quo  etiam  alibi  (1.  Cor.  9,  l  l  )  utitur,  non  debere  videri  iniquam  aut  gravem  compensationem  illis,  qui  pro  spiritualibus  carnalia  referant,  quae  immenso  sunt  viliora.  Hoc  autem  evangelii  pretium  ostendit,  quod  non  ministris  tantum  illius,  sed  universae  genti,  unde  ministri  prodierant,  obstrictos  pronuntiat.  Nota  autem  verbum  XetToupyf^aat  pro  ministrare  :  quod  significat  munere  suo  perfungi  in  republica  et  onera  suae  vocationis  subire:  interdum  etiam  ad  sacra  transfertur.  Nec  dubito  quin  signisicet  Paulus  sacrificii  speciem  esse,  quum  de  suo  erogant  fideles  ad  egestatem  fratrum  levandam.  Sic  enim  persolvunt  quod  debent  caritatis  officium,  ut  Deo  simul  hostiam  grati  odoris  offerant:  sed  proprie  hoc  loco  ad  illud  mutuum  ius  compensationis  respexit.  28.  Obsignavero  illis  fructum  hunc.  Mihi  non  displicet  quod  hic  allusionem  esse  putant  ad  veterum  morem,  qui  annulis  occludebant  quae  volebant  in  tuto  reposita.  Hoc  modo  fidem  suam  et  integritatem  Paulus  commendat,  quasi  diceret  sincerum  se  fore  custodem  pecuniae  in  manibus  suis  depositae,  non  secus  ac  si  obsignatam  ferret.  Fructus  nomine  proventum  notare  videtur,  quem  ex  evangelii  satione  ad  Iudaeos  redire  nuper  dixit,  non  secus  atque  ager  cultorem  suum  fructificando  alit  29.  Scio  autem  quod,  quum  venero,  in  plenitudine.  Bifariam  exponi  haec  verba  possunt:  prior  sensus  est,  quod  reperturus  sit  Romae  uberem  evangelii  fructum:  est  enim  haec  evangelii  benedictio,  quum  bonis  operibus  fructificat.  Nam  quod  nonnulli  ad  eleemosynas  restringunt,  mihi  non  placet.  Vel  quo  magis  desiderabilem  faciat  suum  ad  eos  adventum,  sperare  se  dicit  non  fore  infrugiferum,  quia  sit  magnam  accessionem  facturus  evangelio,  quam  plenit  u  d  i  n  em  b  e  n  e  d  i  c  t  i  o  n  i  s  vocat,  pro  plena  benedictione  :  quo  nomine  significat  prosperum  successum  et  incrementum.  Haec  autem  benedictio  partim  ab  eius  administratione,  partim  ab  eorum  fide  pendebat:  ergo  non  frustra  se  venturum  ad  eos  promittit,  apud  quos  non  perditurus  sit  gratiam  sibi  datam,  sed  bene  collocaturus,  qua  erant  animi  alacritate  ad  recipiendum  evangelium.  Prior  expositio  magis  recepta  est,  ac  mihi  etiam  magis  probatur,  quod  speret  adventu  suo  se  reperturus  quod  maxime  optabat,  nempe  evangelium  apud  eos  florere  et  vigere  praeclaris  successibus,  quia  sanctitate  et  omni  genere  virtutum  excellerent.  Causam  enim  sui  desiderii  reddit,  quia  non  vulgare  ex  eorum  conspectu  Calvini  opera.  Vol.  XLIX.