41:281  281  IN  DANIELEM.  CAP.  XI.  282  (regiones.  Non  loquitur  tantum  de  urbe,  sed  de  regionibus:  nempe  regio)  Edom  (regio)  Moab,  et  principium  filiorum  Ammon.  42.  Et  mittet  (hoc  est,  extendet)  manum  suam  in  terras,  et  terra  Aegypti  non  erit  in  evasionem  (hoc  est,  non  evadet,  vel  sese  non  eripiet).  Postquam  breviter  angelus  praedixit  instare  gravissima  bella  Romanis,  nunc  adiungit,  quemadmodum  breviter  attingere  coeperat  proximo  versu,  fore  victores  omnium  gentium.  Venient,  inquit,  in  terram  desiderabilem.  Haec  ratio  est  cur  angelus  vaticinetur  de  romano  imperio,  quoniam  non  missus  fuerat  ut  Danieli  exponeret  historiam  totius  mundi,  sed  ut  fideles  retineret  in  fide,  quum  persuasi  essent  in  gravissimis  perturbationibus  tamen  se  manere  sub  patrocinio  et  tutela  Dei.  Hac  ratione  dicit  venturos  in  terram  desiderii.  Fuit  enim  haec  horribilis  tentatio,  et  quae  poterat  evertere  omnem  pietatis  sensum,  quia  multis  modis  vexati  fuerant  Iudaei  nunc  a  Syris  nunc  ab  Aegyptiis.  Et  scimus  quanta  saevitia  Antiochus  conatus  fuerit  totam  gentem  non  tantum  opprimere,  sed  prorsus  delere.  Non  pepercerant  illis  neque  Syri,  neque  Aegyptii.  Procul  Romani  veniunt  quasi  ex  alio  orbe,  deinde  erant  confoederati  ipsis:  nunc  autem  perrumpunt  hostiliter  in  Iudaeam.  Quis  putasset  illam  regionem  esse  curae  Deo,  quum  ita  exposita  esset  omnibus  omnium  latrociniis?  Ergo  necesse  fuit  moneri  fideles,  ne  in  tam  confuso  rerum  statu  deficerent.  Venient  ergo  in  terram  desiderii,  multae  regiones  cadent,  quasi  diceret  non  superfore  ullam  spem  Iudaeis,  quoniam  quocunque  venerint  Romani  parata  illis  erit  et  quasi  ad  manum  victoria.  Non  videtur  quidem  hoc  valere  ad  solatium,  ubi  meram  desperationis  materiam  proponit  angelus:  sed  quoniam  fideles  sciebant  divinitus  hoc  esse  praedictum,  et  sciebant  eundem  Deum,  qui  per  angelum  ipsos  monuerat,  habere  remedium  paratum,  et  esse  in  eius  arbitrio  a  centum  mortibus  eripere  suam  ecclesiam,  fuit  inaestimabilis  hic  thesaurus,  nempe  haec  prophetia,  ut  perstarent  in  spe  promissae  liberationis  fideles.  Et  postea  adiunget  etiam  angelus  promissionem  quae  fulciat,  imo  erigat  collapsos  ipsorum  animos,  deinde  confirmet.  Sed  hic  pronuntiat  auxilium  Dei  non  statim  appariturum,  quia  laxabit  fraenum  Romanis,  ut  per  totam  Asiam,  et  per  totum  Orientem  exerceant  crudele  imperium,  imo  tyrannidem  potius  vel  latrocinium.  Dicit  immunes  ab  hac  clade  fore  terras  Edom,  Moab,  et  partem  terrae  Ammon.  Haec  etiam  tentatio  non  leviter  concutere  poterat  piorum  animos,  Quid  hoc  sibi  vult?  terram  in  qua  nobis  promisit  fore  quietem,  nunc  eam  patitur  diripi,  et  vastari  ab  hostibus?  terra  autem  Moab  quiescit  et  fruitur  summa  tranquillitate  ?  prosper  etiam  est  status  filiorum  Ammon?  Nain  memoria  tenendum