29:281  281  IN  I.  LIB.  SAMUEL.  CAP.  I.  282  benigna  manu  illa  largiens,  vel  vindice  restringens.  Quare  hoc  exemplo  parentes  commoveri  maxime  decet,  quod  Elcana  divinae  beneficentiae  particeps  factus,  verbum  tamen  Domini  perfici  supplex  orat.  Caeterum  gratiae  Dei  et  benedictioni  commendatos  ita  liberos,  ne  verentur  patentes  illi  committere,  atque  assiduis  precibus  sollicitare,  ut  dona  sua  coepta  in  ipsis  perficiat:  et  certum  est  Dominum  ad  preces  eorum  se  facilem  praebiturum,  reque  ipsa  demonstraturum,  nihil  a  se  peti  quod  non  impetretur.  Multae  quidem  interim  incident  difficultates:  sed  quae  facillime  studio  et  solicitudine  superabuntur.  Si  quid  vero  secus  acciderit,  sibi  quisque  imputet,  vel  segnius,  vel  aliter  quam  oportuit  precato:  ac  in  posterum  segnitiem  assiduitate  precum  compenset.  Et  de  hac  re  quidem  hactenus.  Deinceps  vero  sequitur  ablactatum  puerum,  adductum  a  parentibus,  cum  tribus  iuvencis  ad  eius  nutrimentum,  cum  epha  farinae  et  utre  vini  :  quod  annuatim  factum  inferius  videbimus.  Non  ergo  fuit  istud  votum  papistarum  simile,  qui  liberos  suos  in  monasteria  relegant,  et  religione  adstringunt.  Nam,  exempli  gratia,  is  cui  multae  natae  sunt  filiae,  queritur  in  eas  elocandas  nimiam  pecuniae  vim  insumendain,  ac  proinde  de  illis  in  monasteria  vuria  rele^andis  cogitat,  ut  haec  hic  religioni,  illa  illi  adstringatur:  sin  mares  fuerint,  hic  quidem  in  abbatem  designatur,  alter  in  monachum,  ille  in  presbyterum  et  canonicum,  ut  hac  ratione  provisum  ipsis  optime  sit  et  affatim,  ac  opimis  praebendis  ac  reditibus  instructi  genio  indulgeant.  Quae,  obsecro,  quantaque  hypocrisis,  religionem  in  vovendis  ac  dicandis  Deo  liberis  simulare,  et  turpe  tamen  sacrilegium  admittere?  pauperum  et  egenorum  facultates  vorare?  ecclesiasticos  reditus  compilare?  crucifixum  istis  omnibus  alendis  sufficientem  iactare?  Sed  religionem  attendite:  Non  sunt,  inquiunt,  ex  mundo.  Nae,  non  ex  mundo,  sed  ex  inferis.  Quis  enim  nescit  quam  foedis  ac  spurcis  libidinibus  monasteria  scateant?  qui  nescit  in  illis  nihil  nisi  verae  religionis  profanationem  audiri?  Nos  vero  contrarium  in  Elcana  et  Anna  exemplum  intueamur,  qui  ad  filii  nutritionem  necessaria  secum  adducunt,  et  annuatim  provident,  ne  Eli  pontificem  sumptibus  ullis  gravent,  quum  se  tamen  omni  patria  potestate  abdicassent,  filiumque  suum  pontifici  ministraturum  dedissent  ac  dicassent.  Sic  votum  ipsorum  rite  fuit  institutum.  Nominatim  vero  puer  dicitur  fuisse  admodum  puer,  id  est  iuvenis  ac  debilis.  Unde  Annam  minime  procrastinasse  videmus,  ut  plerumque  multae  ineptulae  ac  delicatulae  matres  solent,  quum  de  liberorum  institutione  agitur:  nunquam  illis  satis  matura  aetas  ad  scholam  frequentandam,  infirmitatem  ac  teneros  annos  praetexunt;  lectionis  portiunculam  quasi  per  iocum  sufficere  volunt,  denique  ad  minimam  auram  periisse  arbitrantur.  Hinc