25:281  281  REDITUS  AD  HISTORIAM.  282  impuro  hanc  confessionem  extorsit,  ut  vel  invitus,  vel  non  cogitans,  exclamaret  Deum  ita  perseverare  in  prosequendo  erga  suos  paterno  favore,  ut  ne  in  morte  quidem  beneficus  esse  desinat.  Unde  sequitur,  gratiam  Dei  fines  huius  caducae  vitae  excedere.  Quare  haec  vox  insigne  continet  testimonium  futurae  immortalitatis.  Etsi  autem  non  penitus  forte  expendit  Balaam  quid  hoc  sibi  vellet,  dubium  tamen  non  est  quin  vere  profiteatur  id  se  optare.  Terum,  ut  solent  hypocritae  nonnisi  evanidum  votum  concepit:  quia  minime  serio  quaerebat  quod  convictus  erat  optimum  esse.  Recti  vocantur  Israelitae  sicuti  aliis  locis,  non  propria  rectitudine,  sed  Dei  beneplacito,  qui  eos  dignatus  fuerat  segregare  ab  immundis  gentibus.  l  l  .  Dixit  Balac  ad  Balaam.  Superbus  homo  iterum  pseudoprophetam  obiurgat,  ac  si  ius  vaticinandi  pretio  mercatus  esset.  Ita  scilicet  reprobi  Deum  per  obliquos  circuitus  quaerendo,  non  aliter  sibi  quidquam  negotii  cum  eo  esse  volunt,  nisi  perversis  eorum  votis  morem  gerat,  denique  nisi  eum  sibi  reddant  obnoxium.  Cogitur  itaque  Balaam  stolidum  hunc  fastum  Dei  mandato  refutare,  quum  sibi  aliud  licere  negat,  quam  ut  perferat  quod  Deus  praecepit.  Quod  meminerimus  dictum  esse  respectu  particularis  actus:  ubi  in  verbis  gestabat  personam  veri  prophetae,  quamvis  longe  aliter  esset  affectus.  EX  EODEM  CAPITE.  13.  Tunc  dixit  ad  eum  Balac:  Veni  obsecro  mecum  ad  alterum  locum,  unde  videas  Ulum  (tantummodo  extremum  eius  vidisti,  et  totum  ipsum  non  vidisti)  et  ei  maledic  mihi  inde.  14.  Et  tulit  eum  in  locum  sublimem,  in  verticem  Pisgah:  aedificavitque  septem  altaria  et  obtulit  iuvencum  et  arietem  in  altari.  15.  Dixit  autem  ad  Balac:  Consiste  hic  iuxta  holocaustum  tuum,  et  ego  occurram  illic.  16.  Occurrit  vero  Iehova  ipsi  Balaam,  et  posuit  verbum  in  ore  eius,  dixitque:  Revertere  ad  Balac,  et  sic  loqueris.  17.  Venit  itaque  ad  eum,  et  ecce,  ille  stabat  iuxta  holocaustum  suum,  et  principes  Moab  cum  illo:  cui  dixit  Balac:  Quid  loquutus  est  Iehova?  18.  Tunc  assumpsit  paran  bolam  suam,  et  dixit:  Surge  Balac,  et  audi,  ausculta  verba  mea  fili  Sippor.  19.  Non  est  homo  Deus,  ut  mentiatur,  et  filius  hominis,  ut  poeniteat  eum:  ipse  dixit,  et  non  faciet?  loquutus  est,  et  non  praestabit  illud?  20.  Ecce  ut  benedicerem  accepi:  et  benedixit  benedictione,  et  non  revocabo  eam.  21.  Non  aspexit  iniquitatem  in  Iacob,  nec  vidit  violentiam  in  Israel.  Iehova  Deus  eius  est  cum  eo,  et  clangor  regis  in  eo.  22.  Deus  eduxit  eos  ex  Aegypto  :  sicut  robur  unicornis  est  ei  23.  Non  est  augurium  in  Iacob,  nec  est  divi-