10.1:281  PRO  FALLESIO.  culum,  qui  non  modo  tuae  maiestatis  imperio  paret,  sed  unus  semper  fuit  ex  tibi  fidissimis,  et  obsequentissimis.  Quanquam  non  huic  uni  loco  ita  eram  affixus,  quin  frequenter  huc  vel  illuc  commearem:  quo  me  vocabant  domus  nostrae  negotia,  ac  praesertim  familiae  cum  fratribus  herciscundae.  Quo  in  negotio  expediendo,  illustrissima  Regina  soror  tua  autoritatem  suam  interposuit:  et  simul  tui  consiliarii  suam  operam  adiunxerunt.  Quo  factum  est,  ut  transactis  rebus  omnibus,  placideque  compositis  re  ipsa  demonstrarim,  non  tam  privatis  commodis  me  voluisse  consulere",  quam  concordiae  et  paci.  Quoties  tamen  mihi  integrum  erat,  Falesiam  meam  domum  repetebam:  in  qua  lubentius  certe  agebam,  quam  alibi  precario.  Nec  sane  unquam  domicilium  aliud  sequutus  fuissem,  si  eo  loco  licuisset  quiete  vivere.  Et  quanquam  ii,  qui  mihi  facessebant  molestiam,  infesti  erant  meo  vivendi  mori:  nihil  tamen  in  eo  reperiebant  aut  dissolutum,  aut  impurum.  Tantum,  quia  iis  superstitionibus  abstinerem,  quas  vulgus  ecclesiae  caeremonias  nuncupat,  ego  autem  cum  verbo  Dei  pugnare  noveram:  rumor  quidam  sparsus  erat,  separatim  [pag.  21]  habere  me  meam  sectam,  et,  ut  fieri  solet,  quidam  coniiciebant,  plura  quam  fronte  profiterer  in  recessu  habere:  alii  etiam  multa  adiiciebant  mentiendo.  Quum  his  angustiis  premerer,  ut  mihi  offendendus  esset  Deus  si  hominibus  placere  vellem:  commodissimum  visum  est,  ad  tempus  secedere:  et  ab  eorum  conspectu  paulisper  me  subducere,  qui  obturbare  non  desinebant.  Quin  etiam  ex  meis  cognatis  nonnulli  tam  erant  infesti,  ut  nisi  vim  vi  repulissem,  ne  domi  quidem  meae  forem  securus.  Atqui  vitam  potius  profundere,  quam  ullam,  vel  tenuissimam  eius  commotionis  speciem  edere,  multo  maluissem.  Dicent  fortassis  adversarii,  non  esse  verisimile,  mihi  meos  tam  fuisse  molestos  sine  causa.  Deinde  ad  tuam  maiestatem  eo  nomine  confugiendum,  patria  cedendum  non  fuisse.  Respondeo:  ea  tamen  causa  adversus  me  commotos  esse,  quod  obedire  Deo,  quam  hominibus  mallem.  Hic  ad  tuam  certe  maiestatem  confugiendum  erat,  si  qua  mihi  spes  fuisset  impetrandae  audientiae.  Sed  facile  coniicere  potui,  eos  qui  mihi  domi  molesti  erant,  ita  praeoccupasse  tuum  quoque  animum  falsis  delationibus,  ut  aversis  auribus  verba  facturus  essem.  Neque  praeterea  me  latebat,  quantulum  [pag.  22]  inventurus  essem  apud  eos  aequitatis,  quibus  in  religionis  controversiis  cognitionem  mandare  soles.  Neque  enim  accurata  inquisitione,  vel  moderato  examine  causam  expendunt:  sed  quidquid  cum  suis  deliriis  minus  congruere  vident,  mox  habent  pro  damnato.  Ita  nec  veritati  nec  rationi  locum  reliquum  faciunt.  Dabis  veniam,  Caesar,  si  quod  in  hac  mea  causa  verum  est,  simpliciter  sine  ulla  dissimulatione,  et  candide  sine  fuco  exponam.  Praesertim  quum  intelligas