8:280  non  se  facturum  Deus  promittat,  ut  in  praeceptis  suis  Israel  ambulet.  *)  At,  Pighii  iudicio,  Ioannes  (1,  12)  reclamat,  Deum  nobis  potestatem  dedisse  filios  Dei  fieri.  Primum  in  eo  hallucinatur  phreneticus  iste,  quod  potestatem  accipit  pro  facultate  aut  potentia,  quum  [pag.  52]  dignationem  honoris  potius  significet.  Plus  quam  crassam  vero  hebetudinem  prodit,  dum  velut  clausis  oculis  huius  potestatis  causam  praeterit  clare  ab  evangelista  expressam.  Filios  Dei  fieri  praedicat,  qui  Christum  recipiunt:  verum  eosdem  mox  non  ex  carne  et  sanguinibus,  sed  ex  Deo  genitos  esse  dicit.  Dignatur  ergo  adoptionis  honore  Deus  qui  in  filium  credunt,  sed  quos  prius  spiritu  suo  genuerat:  hoc  est,  quos  sibi  in  filios  formavit,  suos  tandem  esse  declarat.  Nam  si  filios  Dei  nos  reddit  fides,  unde  ipsa  nobis  detur,  considerandum  est.  Est  enim  spiritualis  seminis  fructus,  quo  nos  Deus  in  vitae  novitatem  regignit.  In  summa,  verissimum  est  illud  Augustini,  sola  gratia  redemptos  discerni  a  perditis,  quos  ad  perditionem  concreverat  ab  origine  ducta  massa  communis.  Unde  sequitur,  gratiam  Dei  praedicari,  qua  eligendos  facit,  non  invenit:  quemadmodum  idem  saepius  inculcat.2)  Adde,  quod  si  quid  in  electis  suis  praevidet  Deus  quo  a  reprobis  ipsos  discernat,  inscite  Paulus  argueret,  quia  nondum  tunc  nati  erant  fi  atres,  ex  vocante,  non  ex  operibus  fuisse  dictum:  Maior  serviet  minori.  Quare  solutio  ista  de  praevisis  cuiusque  operibus,  aperte  Paulo  insultat.  Colligit  Paulus,  m  electione  Dei  non  haberi  operum  respectum,  quia  Iacob  Deus  fratri  praetulit,  antequam  nati  essent,  et  quidquam  egissent  boni  vel  mali.  Isti,  ut  a  [pag.  53]  Deo  eligi  obtineant,  quos  aliqua  probitatis  nota  a  reprobis  discernit,  praevideri  obtendunt,  qualis  futura  sit  in  recipienda  vel  respuenda  gratia  cuiusque  dispositio.  Quod  si  recipitur,  eos  qui  nihildum  boni  egerunt,  non  tamen  Deus  ex  operibus  eligere  desinet,  quia  ex  operibus  praevisis  interea  pendebit  electio.  Atqui,  quum  Paulus  pro  confesso  sumeret  quod  bonis  istis  theologis  est  incredibile,  omnes  ex  aequo  esse  indignos,  aequam  naturae  in  omnibus  esse  corruptionem,  secure  inde  constituit,  Deum  gratuito  suo  proposito  eligere  quoscunque  eligit:  non  quos  obsequentes  fore  sibi  filios  praevideat.  Denique  qualis  extra  Dei  electionem  sit  hominum  natura  Paulus  considerat:  isti  Deum,  quod  nunquam  futurum  est  donec  ipse  fecerit,  praevidere  in  homine  somniant.  Quanquam  haec  per  se  satis  clara  sunt:  longius  tamen  nos  Pauli  contextus  ducit.  Sequitur  enim:  Quid  ergo  dicemus?  numquid  iniustitia  est  apud  1)  Add.  Il  n'est  point  icy  question  d'une  faculte  moyenne  mais  d'une  vertu  actuelle.  2)  Enchirid  ad  Laur.  cat).  99.  .  Epist.  105  ad  Sixtum  Lib.  5  contra  Iulianum  cap.  o  et  aliis  locis.