7:280  Extremae  se  crudelitatis  damnari  ab  omnibus  intelligit,  quod  tamdiu  variis  ludificationibus  tempus  extrahat.  Cur  non  igitur,  quoad  citra  suum  dispendium  potest,  satisfaciat  imperitis,  concilium  subinde  indicendo,  quod  nunquam  habeat?  Si  quis  autem  miretur,  cur  tantopere  concilium  reformidet  papa,  in  quo  nulli  bono  patebit  locus,  inde  reputet,  quam  sit  prodigiosa  tyrannidis  species,  quae  non  nisi  per  terrorem  et  metum  retineri  potest.  39)  En  quid  premat  sanctissimum  patrem.  Non  audiendo  aut  disceptando  tractari  vult  causam  Protestantium,  sed  hoc  commodissimum  fore  putat,  si  ab  illis  damnandis  exordiatur.  Quanquam  vix  isto  honore  etiamnum  eos  dignabitur,  ne  rem  actam  agere  iterum  incipiat,  sed  exsequendam  in  eos  sententiam  mandabit.  Et  certe  non  male  consulit  suis  rationibus,  dum,  ne  causa  tam  dubia  et  sibi  periculosa  retractetur,  sollicite  cavet.  Quid  ergo,  si  audiatur,  Protestantibus  reliquum  est,  nisi  ut  causae  suae  defensione  omissa,  se  illi  suaque  omnia  dedant?  [pag.  76]  40)  Utinam  quidem  vere  coalescant  Germani  omnes  in  verum  fidei  consensum,  sibique  mutuo  sub  uno  capite  adhaereant,  nempe  Christo.  Imo  totus  in  hanc  unitatem  reducatur  orbis,  quo  impleatur  illud,  quo  certum  est  solidam  ecclesiae  perfectionem  contineri,  hoc  est,  ut  fiat  unum  ovile,  et  unus  pastor:  sed  reclamat  papa,  qui  pro  nihilo