52:280  ad  illud  adspirant,  debere  secum  reputare  an  pares  futuri  sint  ferendo  tanto  oneri.  Audax  semper  est  imperitia:  et  circumspecta  rerum  cognitio  modestum  reddit  hominem.  Unde  fit  ut  tanta  confidentia  saepe  munus  gubernandi  ambiant  qui  nihil  habent  vel  ingenii,  vel  prudentiae,  nisi  quod  clausis  oculis  ruunt?  Sic  dicebat  Quintilianus,  indoctos  fortius  dicere:  quum  trepident  summi  oratores.  Ut  io  appetendo  episcopatu  eiusmodi  temeritatem  cohibeat  Paulus,  admonet  primo,  non  otiosam  esse  dignitatem,  sed  opus.  Deinde  non  quodvis  opus,  sed  p  r  a  e  c  l  a  r  u  m  ,  et  ideo  arduum  plenumque  difficultatis:  ut  est  re  vera.  Neque  enim  leve  est,  in  tanta  administratione  sustinere  personam  filii  Dei,  ubi  agitur  de  regno  Dei  erigendo  et  propagando,  ubi  de  animarum  salute  curanda,  quas  sanguinis  sui  pretio  Dominus  ipse  dignatus  est,  de  regenda  ecclesia  quae  est  Dei  haereditas.  Sed  non  est  hic  propositum  concionari:  et  hoc  argumentum  rursus  attinget  Paulus  proximo  capite.  Terum  quaeritur  an  ullo  modo  episcopatum  appetere  liceat.  Videtur  enim  absurdum  ut  quis  voto  praeveniat  Dei  vocationem.  Atqui  Paulus,  dum  temerarium  desiderium  reprehendit,  permittere  videtur  ut  circumspecte  et  modeste  quis  appetat.  Respondeo,  si  aliis  in  rebus  damnatur  ambitio,  in  episcopatu  multo  gravius  damnandam  esse.  Atqui  apostolus  de  pio  desiderio  loquitur,  quo  student  sancti  homines  quidquid  habent  doctrinae  conferre  ad  ecclesiae  aedificationem.  Nam  si  docendi  munus  appetere  omnino  nefas  esset,  quorsum  se  discendo  compararent  qui  totam  adolescentiam  in  sacrae  scripturae  lectione  consumunt  ?  Annon  theologicae  scholae  pastorum  sunt  seminaria?  Pro*  inde  qui  ita  sunt  instituti,  non  modo  licite  possunt,  sed  etiam  debent,  etiam  antequam  in  munus  sint  cooptati,  voluntaria  oblatione  se  ac  suam  operam  sacrare  Deo.  Modo  tamen  non  se  ingerant  ipsi,  ae  ne  voto  quidem  suo  se  designent  episcopos:  sed  tantum  parati  sint  ad  munus  obeundum,  si  eorum  opera  flagitetur.  Quod  si  legitimo  ordine  non  fuerint  vocati,  sciant  aliter  visum  esse  Deo,  neque  indigne  ferant  se  fuisse  aliis  posthabitos.  Verum  ita  affecti  erunt,  qui,  nullo  sui  respectu,  Deo  et  ecclesiae  tantum  servire  optabunt:  et  simul  erunt  ea  modestia,  ut  minime  invideant  si  alii  tanquam  digniores  praeferantur.  Si  obiiciat  quispiam,  tantae  molis  esse  ecclesiae  regimen,  ut  horrorem  sanis  hominibus  incutere  potius  debeat  quam  provocare  ad  sui  desiderium:  respondeo,  piorum  desiderium  non  recumbere  in  fiduciam  propriae  industriae  aut  virtutis,  sed  Dei  auxilio,  a  quo  nostra  est  sufficientia:  quemadmodum  alibi  tractat  Paulus  (2.  Corin.  3,  5).  Caeterum  observandum  est  quid  Paulo  sit  episcopatus  :  eoque  magis,  quod  veteres  suorum  temporum  consuetudine  a  vero  sensu  abducti  fuerunt.  Nam  quum  Paulus  generaliter  comprehendat  omnes  pa^