51:280  stance  en  eux,  sinon  qu'ils  fussent  soustenus  de  luy.  Et  puis  que  leur  iustice  ne  seroit  point  parfaite,  sinon  d'autant  qu'ils  sont  benits  en  luy  et  eleus*  Voila  pour  un  item.  De  nostre  coste,  puis  que  nous  sommes  alienez  de  Dieu  par  le  peche,  il  faut  que  nous  luy  soyons  comme  ennemis,  et  qu'il  nous  soit  partie  adverse.  Iesus  Christ  donc  est  luy  seul  bienaime  d'entre  les  hommes.  Et  quant  a  nous,  Dieu  nous  reiette,  il  nous  deteste  et  nous  desadvoue,  voire  iusques  a  dire  qu'il  se  repent  d'avoir  fait  l'homme.  Or  ce  mot  la  emporte  que  nous  ne  sommes  pas  dignes  d'estre  au  nombre  des  asnes,  ni  des  chiens,  ni  des  autres  bestes.  Car  encores  ils  demeurent  creatures  de  Dieu,  telles  qu'il  les  a  creees:  mais  nous  sommes  si  vileins  et  si  pervers,  qu'il  faut  que  nous  soyons  raclez,  et  que  nostre  memoire  soit  maudite  et  execrable  devant  Dieu.  Or  maintenant  allons  nous  glorifier,  cerchons  nos  armoiries  pour  nous  ennoblir:  mais  nous  voyons  comme  le  sainct  Esprit  degrade  tous  ceux  qui  cuident  rien  valoir.  Ainsi  cognoissons  qu'estans  ennemis  de  Dieu,  nous  sommes  pires  que  si  iamais  nous  n'eussions  este  creez.  Au  reste,  voici  que  S.  Paul  nous  propose,  que  Dieu  nous  a  eus  agreables  en  sm  Uen-aime.  Puis  donc  que  nostre  Seigneur  Iesus  est  receu  de  Dieu  son  Pere  pour  estre  aime,  non  seulement  en  sa  personne,  mais  a  cause  d'une  amour  qui  s'estend  sur  tous  les  membres  de  son  corps,  voila  comme  nous  sommes  recueillis,  et  Dieu  nous  embrasse  pour  ses  enfans,  au  lieu  qu'auparavant  nous  luy  estions  ennemis  et  du  tout  detestables.  Mais  quoy  qu'il  en  soit,  si  faut-il  tousiours  revenir  a  ceste  election  dont  nous  avons  parle  ci  dessus.  Car  les  graces  qui  nous  sont  communiquees  en  nostre  Seigneur  Iesus  Christ,  procedent  aussi  de  ceste  source-la.  La  dessus  il  nous  propose  la  necessite  que  nous  avons  d'estre  bien  aimez  en  Iesus  Christ:  et  c'est  en  continuant  le  propos  que  nous  avons  desia  touche.  Car  si  nous  n'estions  convaincus,  iamais  nous  ne  pourrions  accorder  (ie  di  sans  feintise)  que  nous  tenons  tout  de  Dieu.  Car  nous  tendons  tousiours  la,  de  valoir  ie  ne  scay  quoy:  et  chacun  regarde  comme  il  se  pourra  reserver  ie  ne  scay  quoy,  et  ne  fust-ce  que  la  pointe  d'une  espingle.  Mais  a  l'opposite  sainct  Paul  nous  monstre  qu'il  faut  bien  que  Dieu  nous  aime  hors  de  nous-mesmes,  et  s'il  nous  tient  agreables,  que  ce  ne  soit  point  au  regard  de  nous.  Et  pourquoy?  Car  nous  sommes  captifs  et  serfs  de  peche,  nous  sommes  mesmes  detenus  sous  le  ioug  et  la  tyrannie  de  Satan  :  bref,  nous  sommes  enclos  en  servitude  de  mort,  iusques  a  ce  que  nous  soyons  rachetez  par  nostre  Seigneur  Iesus  Christ.  Maintenant  donc  nous  voyons  la  somme  de  ceste  doctrine,  c'est  a  scavoir  que  les  hommes  sont  admonnestez  de  sortir  d'eux-mesmes,  et  de  cercher  leur  salut  en  la  pure  bonte  de  Dieu,  voire  tenant