50:280  ceste  vermine  de  son  elerge  qui  se  nomment  prelats,  toutes  ces  bestes  cornues,  et  puis  autant  qu'il  y  a  de  masques  en  la  Papaute,  auront  bien  ce  titre  honorable:  et  si  on  leur  croit  a  leur  simple  dire,  tous  sont  descendus  des  Apostres.  Mais  cependant  il  faut  regarder  quelle  similitude  et  convenance  il  y  a,  et  faut  aussi  qu'ils  monstrent  par  certain  tesmoignage  et  infaillible,  comme  leur  vocation  est  approuvee  de  Dieu.  Auiourd'huy  le  Pape  et  tous  les  siens  sont  plus  que  convaincus  qu'ils  ont  falsifie  et  corrompu  toute  la  doctrine  de  l'Evangile,  et  que  ce  qu'ils  appellent  service  de  Dieu,  n'est  que  pure  abomination.  Apres,  qu'il  n'y  a  la  que  mensonges  et  faussetez  enormes,  voire  enchantemens  de  Satan:  tout  cela  est  assez  cognu.  Mais  voici  son  bouclier  dont  il  fait  ombre  pour  cacher  toutes  ses  ordures,  qu'il  y  a  eu  une  succession  continuelle  depuis  les  Apostres,  et  qu'ils  les  representent,  qu'ils  sont  l'Eglise,  et  pourtant  il  se  faut  tenir  a  tout  ce  qu'ils  mettront  en  avant.  Et  bien,  ii  faut  regarder  si  ceux  qui  auiourd'huy  usurpent  ce  titre  la  ont  rien  de  semblable  avec  les  Apostres  :  s'ils  exercent  l'office  de  bons  et  fideles  Pasteurs,  qu'ils  soyent  escoutez.  Mais  quand  ils  sont  du  tout  contraire  a  Tordre  que  nostre  Seigneur  Iesus  Christ  a  establi  en  son  Eglise,  que  dira-on  la  dessus?  Ho,  voire,  mais  nous  avons  succede  continuellement  aux  Apostres.  Il  faudroit  le  monstrer  en  premier  lien.  Ils  allegueront  quelques  tesmoignages,  mais  frivoles.  Tant  y  a  qu'a  l'opposite  on  pourra  dire  qu'il  y  a  eu  aussi  bons  successeurs  en  l'Eglise  des  Galatiens  qu'il  y  eust  iamais  a  Rome:  et  non  pas  en  une  Eglise  seulement,  mais  en  plusieurs,  par  tous  les  pays  ou  sainct  Paul  a  presche,  tant  d'Ephese,  des  Colossiens,  des  Philippiens  que  d'autres  lieux.  Et  ou  est  maintenant  toute  ceste  succession?  Si  quelqu'un  pensoit  avoir  quelque  privilege,  et  qu'il  se  dist  successeur  de  sainct  Paul,  il  faudroit  qu'il  allast  prescher  la  l'Evangile  :  et  puis  apres  qu'il  monstrast  de  quoy  pour  estre  receu.  Notons  bien  donc  en  somme,  que  quand  il  y  a  des  hommes  pour  prescher  l'Evangile,  qu'il  y  a  des  Pasteurs  et  surveillans,  que  ce  n'est  point  pour  amoindrir  l'authorite  de  Dieu,  ni  pour  porter  preiudice  a  ce  qui  luy  appartient,  c'est  a  scavoir  que  luy  seul  soit  honore,  et  que  nostre  foy  soit  appuyee  sur  sa  parole:  mais  a  fin  que  par  le  moyen  des  hommes  nous  soyons  tousiours  retenus  en  son  obeissance  :  voila  pour  un  item.  Et  surtout,  nostre  Seigneur  reserve  ce  droict  a  sa  maieste,  c'est  que  les  hommes  ne  s'ingerent  point  par  leur  outrecuidance,  mais  qu'ils  soyent  envoyez  et  suscitez  de  luy.  Or  cependant  (comme  i'ay  desia  dit)  il  faut  qu'il  y  ait  de  quoy,  a  fin  que  nous  discernions,  a  fin  que  nous  ne  croyons  pas  a  l'avanture,  ni  a  la  volee:  car  les  supposts  de  Satan  se  pourront  glorifier  tant  et  plus: