5:280  quam  in  partem  esses  accepturus  obstreperas  istas  meas  voces:  sed  substiti  etiam  [pag.  46J  paulum  in  ipsa  scribendi  cogitatione,  et  parum  abfuit,  quin  consilium  prorsus  abiicerem:  quod  inter  suaves  illas  Sirenum  cantiones  ullum  sanis  1)  consiliis  locum  fore,  confidere  vix  audebam.  Enimvero  quum  mecum  rursum  reputarem,  quantos  in  scopulos  incautum  te  paulo  post  illisurae  essent  hae  ipsae,  quae  nunc  tibi  suaviter  arrident  illecebrae  :  hoc  me  amicitiae  nostrae  veteri,  fraternaeque  paene  coniunctioni  putavi  debere,  ne  in  exitialem  ruinam  ferri  te  sciens  ac  videns,  quum  praecipitanti  manum  dare  liceat,  dissimulem.  Non  dissimulabo  igitur,  et  extremum  hoc,  quod  a  me  deberi  existimo  necessitudini  nostrae,  officium  persolvam.  Cuius  si  fructus  aliquis  exstiterit,  qualem  emergere  et  vehementer  cupio  et  libenter  sperem,  magnam  labori  meo  gratiam  ipse  retuleris.  Sin  minus,  neque  sic  tamen  operae  poenitebit:  quae  ut  tibi  sit  et  aliis  quibusdam,  vel  etiam  centum,  si  libet,  ac  mille  lectoribus  infructuosa,  nonnullos  tamen  fore  plane  confido,  qui  ad  rem  usque  adeo  seriam,  animi  intentionem  propius  admovebunt.  Quanquam  enim  qui  ex  illo  romanae  mensae  calice  semel  vel  hauserunt  vel  minimam  guttam  delibarunt,  eos  venefica  illa  potione  ebrios  fere  omnes  videmus:  nisi  tamen  vehementer  fallor  non  sic  omnes  obstupuerunt,  ut  non  possint  unus  et  alter  meis  aculeis,  quibus  hic  eorum  somnolentia  pungetur,  excitari.  Quamobrem  hanc  epistolam  sic  tibi  destinavi,  ut  qui  in  eadem  (ut  dicitur)  tecum  navi  vehuntur,  omnes  sibi  scriptam  intelligant.  Nam  neque  in  uno  sacerdotii  genere  tractando  (quod  tibi  satis  erat)  eam  consumere,  sed  per  universam  vestraium  opum  colli)  Edd.  1552.1611  male:  satis.  Gallus  scribit,  saincts.