47:280  si  probaret  Christus  quod  semel  factum  erat,  ac  non  potius  in  posterum  fieri  vetaret.  .  Quod  se  negat  cum  discipulis  semper  fore,  ad  genus  praesentiae  referri  debet,  cui  carnalis  cultus  et  sumptuosus  honor  conveniat.  Nam  quod  spiritus  sui  gratia  et  virtute  nobis  adest,  quod  habitat  in  nobis,  quod  nos  etiam  carne  sua  et  sanguine  pascit,  nihil  hoc  ad  corporeos  cultus.  Quare  quidquid  pomparum  excogitarunt  papistae  ad  Christum  colendum,  frustra  illi  impensum  ferunt,  quum  palam  repudiet.  Quod  pauperes  dicit  semper  nobiscum  futuros,  tametsi  in  eo  Iudaeorum  hypocrisin  perstringit,  colligere  tamen  inde  utilem  doctrinam  licet:  nempe  sacrificia,  quae  Deo  grata  sunt  et  suaviter  olent,  esse  eleemosynas,  quibus  inopia  pauperum  iuvatur,  nec  rite  alios  fieri  sumptus  in  colendo  Deo.  9.  Cognovit  ergo  turba  multa  Iudaeorum,  quod  illic  esset,  veneruntque  non  propter  Iesum  tantum^  sed  ut  Lazarum  quoque  viderent,  quem  suscitaverat  ex  mortuis.  10.  Consultarunt  autem  principes  sacerdotum,  ut  et  Lazarum  interficerent,  l  l  .  Quia  multi  Iudaeorum  propter  ipsum  discedebant,  et  credebant  in  Iesum.  12.  Postridie  turba  multa,  quae  ad  festum  venerat,  quum  audisset  venire  Iesum  Hierosolymam,  13.  accepit  ramos  palmarum,  et  exierunt  illi  obviam,  et  clamabant:  Hosanna,  benedictus  qui  venit  in  nomine  Domini,  rex  Israel.  14.  Quum  autem  invenisset  Iesus  asellum,  sedit  super  eum,  quemadmodum  scriptum  est:  Ne  timeas,  filia  Sion,  quia  rex  tuus  venit  sedens  super  pullum  asini.  9.  Cognovit  ergo  turba  multa.  Quo  propius  erat  mortis  Christi  tempus,  eo  magis  celebrari  omnium  sermone  oportuit  eius  nomen,  nt  haec  ad  pleniorem  fidem  esset  praeparatio  post  mortem  eius.  Praesertim  evangelista  commemorat  celeberrimum  fuisse  recens  illud  miraculum  excitati  Lazari:  et  quia  singulare  in  eo  divinitatis  suae  specimen  Christus  ediderat,  multos  eius  testes  Deus  esse  voluit.  Quum  dicit,  non  propter  Iesum  tantum  venisse,  sed  Lazari  etiam  causa,  non  intelligit  in  gratiam  Lazari,  quasi  hoc  illi  honoris  seorsum  detulerint,  sed  ut  mirabile  virtutis  Christi  specimen  in  Lazaro  conspicerent.  10.  Consultarunt  autem.  Plus  quam  phreneticus  certe  furor,  quod  exstinguere  moliuntur  quem  constabat  divinitus  a  morte  fuisse  excitatum.  Sed  iste  est  spiritus  vertiginis,  quo  Satan  impios  exagitat,  ut  nullum  faciant  insaniendi  finem,  etiamsi  coelum  et  terram  et  mare  illis  Deus  opponat.  Nam  haec  tam  nefaria  consultatio  ideo  describitur,  ut  sciamus  Christi  hostes  non  errore  vel  stultitia  fuisse  inductos  ad  tantam  pertinaciam,  sed  rabiosa  malitia,  ut  ne  Deo  quidem  bellum  inferre  horrerent.  Deinde  ut  sciamus  non  obscuram  fuisse  Dei  potentiam  in