41:280  ribilis  deformitas,  quum  nomen  regium  tenerent  illi  vel  porci,  vel  canes  potius  quam  homines.  Sed  Tigranes  multum  negotii  Romanis  fecit,  quemadmodum  satis  notum  est.  Ab  altera  parte  Mithridates  diutissime  Romanos  exercuit,  et  quidem  vario  ac  multiplici  eventu.  Scimus  in  tota  Asia  fuisse  occisos  togatos  omnes,  deinde  quum  ventum  est  ad  manus,  saepe  Mithridates  fuit  superior:  postea  coniunxit  se  cum  Tigrane,  qui  etiam  fuit  eius  socer.  Tigranes  quum  teneret  Armeniam,  et  esset  rex  regum,  postea  adiecit  sibi  Syriam,  quasi  partem  duntaxat.  Tandem  quum  ultimus  Antiochus  impositus  esset  regno  Syriae  a  Lucullo,  deiectus  est  Pompeii  iussu:  et  tunc  Syria  in  formam  provinciae  transiit,  ut  diximus.  Pompeius  transgressus  est  mare,  et  perdomuit  totam  Iudaeam  simul  cum  Syria:  postea  ingressus  est  templum,  abstulit  partem  aliquam  praedae:  pepercit  tamen  sacris  thesauris.  Successit  Crassus  ille  inexplebilis  gurges  qui  hac  tantum  de  causa  optavit  sibi  provinciam  illam,  quod  nullis  opibus  esset  contentus.  Ille  spoliavit  templum  Hierosolymitanum  :  postremo,  devicta  Cleopatra,  simul  etiam  Aegyptus  perdidit  nomen  regium,  et  redacta  fuit  in  ordinem  provinciae.  Si  centum  alias  provincias  Romani  vicissent,  nulla  fuisset  facta  illarum  mentio  ab  angelo.  Nam  hic  peculiarem  habet  respectum  electi  populi,  ut  dictum  fuit.  Itaque  non  disserit  nisi  de  illis  cladibus,  quarum  maior  pars  redundabat  ad  miseros  Iudaeos.  Primo  igitur  dicit  Romanis  fore  magnum  certamen  cum  regibus  Aegypti,  et  cum  regibus  Syriae,  quos  dicit  venturos  instar  turbinis,  sed  Romanos  venturos  in  terras  instar  diluviis  et  transituros.  Comparat  regem  syriacum  turbini,  quia  scilicet  initio  movebit  magnos  impetus,  replebit  terram  et  mare  suis  copiis,  deinde  habebit  classem  bene  instructam,  magnos  excitabit  terrores:  sed  turbo  ille  statim  evanescet.  Romani  autem  comparantur  diluvio.  Veniet  ille,  inquit,  nempe  novus  rex,  de  quo  loquutus  est,  et  exundabit,  hoc  est,  obruet  omnes  illas  copias  tam  Aegypti  quam  Syriae,  quasi  diceret  absorptum  iri  apparatum  utriusque  regni,  ubi  Romani  traiecerint.  Transibit,  inquit,  hoc  est,  quocunque  venerint  Romani,  patebunt  illis  viae,  ac  nihil  illis  erit  clausum,  quod  alia  forma  iterum  repetit.  Non  loquitur  autem  de  una  tantum  regione,  sed  dicit  venturos  in  terras,  hoc  est,  vagam  fore  illorum  populationem,  quia  nemo  audebit  se  opponere  ut  arceat  ipsorum  furorem.  Postea  sequitur,  41.  Et  veniet  in  terram  desiderii  (nempe  in  Iudaeam,  quae  vocatur  terra  amoena,  vel  desiderabilis,  quod  Deus  favore  peculiari  ipsam  dignatus  esset.  Elegerat  enim  sibi  illic  domicilium,  et  vocaverat  quietem  suam,  deinde  illic  residebat  eius  benedictio.  Veniet  ergo  in  terram  desiderabilem),  et  multae  (regiones  scilicet)  cadent,  et  hae  evadent  e  manu  eius