29:280  tamen  minime  defuit  certum  testimonium,  quo  Deus  illum  de  exauditis  Annae  uxoris  ipsius  precibus  <3ertiorerh  fecit.  Hinc  discamus,  si  qua  bona  nobis  contigerint,  ea  omnia  a  Deo  manare,  ut  sacra  scriptura  loqui  solet,  et  uni  accepta  ferenda:  deinde  laudes  et  sacrificia  digna  illi  offerenda,  sed  ita  tamen  ut  nihil  nisi  praeeunte  verbo  faciamus.  Hic  tamen  observandum,  nos  etsi  Deum  nunquam  ut  par  est  bonorum  omnium  autorem  agnoscamus,  nki  quatenus  verbo  eius  erudimur:  tamen  oportere  tranquillo  animo  esse  quum  voluntatem  nostram  illi  gratam  agnoscimus.  Neque  enim  exspectanda  in  dies  singulos  nova  quaedam  revelatio,  qua  vel  Deus  ipse  ad  nos  descendat,  vel  angelum  mittat  nunciaturum,  se  hoc  vel  illud  fecisse:  nam  experientia  nobis  abunde  satisfacere  debet,  qua  divinam  vim  atque  virtutem  impleri  edocemur,  atque  adeo  tanti  esse  ponderis  debet  atque  si  Deus  ipse  loqueretur.  Et  de  prima  quaestione  hactenus.  Quod  vero  Elcana  precatur  ut  Deus  verbum  suum  perficiat,  non  frustra  fit.  Nam  etsi  Deus  vere  illi  filium  dederat,  nonne  tamen  vel  perendie  mori,  vel  in  hominem  nequam  ac  flagitiosum  evadere  poterat,  atque  a  Deo,  tanquam  ad  cultum  suum  non  idoneus,  reiici?  Quare  hoc  Elcana  a  Deo  expetit,  et  precibus  supplex  deprecatur,  ut  quandoquidem  masculam  prolem  ipsi  Deus  largitus  erat,  eundem  conservet,  et  ad  suum  cultum  idoneum  faciat,  sanctique  sui  spiritus  virtute  regat:  quo  gratum  et  acceptum  Deo  sit  eius  ministerium.  Ac  sane,  ut  deinceps  visuri  sumus,  non  abs  re  tales  Elcana  preces  fundebat  :  nam  veniente  Samuele  ad  sacerdotale  ministerium,  quam  metuendum  ne  in  tam  foedo  lupanari  depravaretur?  Nam  etsi  Eli  minime  quidem  improbus,  aut  ad  flagitium  aliquod  proclivis  erat,  quales  tamen,  quaeso,  fuerunt  eius  liberi,  scortationibus  et  foedis  suis  libidinibus,  ac  furtis  ordinariis  sanctuarium  Dei  polluentes?  Quid  igitur  infantem,  licet  velut  Dei  angelum  in  medio  coetu  diabolorum,  putas,  obsecro,  aliud  posse,  quam  quodvis  scelus  ac  flagitium,  nisi  divina  manu  ac  virtute  miraculose  conservatum,  discere  posse?  Sic  non  abs  re  Elcana  tales  preces  apud  Deum  fudit,  quas  etiam  Deum  exaudisse  deinceps  plenius  intelligemus.  Hinc  parentes  discunto  liberorum  tantam  curam  gerere,  ut  Deum  orare  non  desinant,  dum  ipsis  gratiam  hanc  impetrarint  ut  a  Deo  regantur  et  in  cultu  ipsius  erudiantur.  Nam  saepe  videmus  pueros  tam  effraeni  licentia  ferri  ut  nati  non  nisi  ad  malum  videantur.  Sed  in  quos  potius  culpa  reiicienda  quam  in  parentes,  qui  caeco  nescio  quo  liberorum  amore  capti  multa  quidem  laetitiae  signa  in  compotationibus  et  nimio  luxu  edunt,  sed  Dei  penitus  obliviscuntur,  et  eius  gratiam  ac  benedictionem  non  sine  magna  offensa  sepeliunt?  At  contra  Deus  re  ipsa  testatur  se  bonorum  omnium  autorem,  vel