20:280  4091.  BEZA  BULLINGERO.  Varia  nova  de  Calvino  aegrotante,  de  tumultibus  per  Galliam  ortis,  de  morte  Castellionis,  de  bello  Mombelgardico  ete.  (Ex  autographo  Cod.  Genev.  118,  fol.  154.)  Eximio  Christi  servo  D.  Henrico  Bullingero  patri  mihi  plurimum  observando  Tigurinae  ecclesiae  vere  fido  pastori.  Tiguri.  S.  Mi  pater,  rarius  scribo  quam  velim,  quod  tabellarii  sese  non  offerant.  Is  est  rerum  nostrarum  status  qui  ante  fuit,  quamvis  crescant  magis  ac  magis  hostium  minae.  Putarunt  commodissimam  hanc  esse  purgandi  sui  rationem,  si  in  nos  regererent  quod  ipsos  satis  constat  in  nos  esse  molitos.  Clamitant  ergo  nos  conatos  fuisse  aliquot  eorum  arces  per  insidias  occupare.  Nempe  quia  sic  feroces  sumus,  et  ita  instructi  pecunia  et  milite,  ut  priores  velimns  illos  lacessere,  et  ultro,  nullo  etiam  viris  praetextu,  iniuria  illata  bellum  accersere,  quasi  denique,  si  quid  tale  nobis  in  mentem  venisset,  ita  insaniremus  ut  in  media  hostili  ditione  occupare  vellemus  quae  neque  nos  iuvare  possent  in  bello,  neque  a  nobis  ullo  modo  defendi.  Incredibilem  ergo  istorum  impudentiam  esse  oportet,  quos  non  pudet  tam  absurda  comminisci,  et  laus  sit  Deo  nostro  qui  illos  cogat  ad  tam  turpia  consilia  descendere,  quorum  procul  dubio  infamia  in  ipsorum  caput  redundabit.  Nos  interea  pergimus  in  nostro  mediocri  statu,  et  pergemus  quamdiu  Dominus  volet,  nulli  hominum  esse  molesti  et  gratificari  omnibus  pro  virili  studentes.  Calvinus  noster,  quod  unum  nos  vehementer  torquet,  perpetuis  morbis  cruciatur,*)  et  quamvis  interdum  videatur  nonnihil  respirare,  tamen  ita  affligitur  ut  multo  minus  laetae  spei  habeamus  quam  velimus.  Ego  quoque  abhinc  aliquot  dies  coepi  asthmate  laborare,  nec  sum  levatus  sanguinis  missione.  Sed  tamen  bene  spero  et  prae  illius  cruciatibus  meos  dolores  pro  nihilo  duco.  In  Gallia  papistae,  qui  putabant  ad  Cardinalis  adventum  ecclesiam  Dei  statim  ruituram,  coeperunt  multis  locis  tumultuari.  Rhotomagi  inprimis  caedes  primum  ab  illis  facta,  deinde  a  quibusdam  ex  nostris  vim  illorum  repellentibus  repetita.2)  Imposi-  4091.1)  vide  sequentem.  2)  Languet  d.  d.  17.  Mart  p.  288:  Rothomagi  quum  ante  octiduum  nostri  redirent  a  concione  quae  habita  fuerat  in  arce  cuiusdam  nobilis  quae  abest  ab  urbe  tribus  miliaribus,  pontificii  voluerunt  eos  ab  urbe  excludere,  eo  quod  (ut  aie-