15:280  nolunt  panem  Domini  in  coena  esse  verum  et  naturale  corpus  Christi,  quod  impius  Iudas  ore  corporis  sui  perinde  ut  sanctus  Petrus  et  omnes  sancti  percipit;  is  nihil  ad  me  scribat,  nihil  mecum  agat,  nullam  concordiam  vel  communionem  apud  me  speret.  Atque  hic  murus  aheneus  esto,  Da  wirt  nichts  anders  ausz.  Edidit  propositiones  contra  theologos  Lovanienses  (1545).  Quindecima  vero  sic  habet:  In  eucharistiae  sacramento  venerabili,  ADORABILI,  est  et  exhibetur  et  sumitur  vere  et  re  ipsa  corpus  et  sanguis  Christi  tam  a  dignis  quam  indignis.  Vigesima  septima  sic  habet:  Haereticos  serio  censemus  et  alienos  ab  ecclesia  Dei  Zuinglianos  et  omnes  sacramentarios  qui  negant  corpus  et  sanguinem  Christi  ore  carnali  sumi  in  venerabili  eucharistia.  In  hac  autem  confessione  et  condemnatione  nostra  mortuus  est.  Nam  mox  sequentis  anni  1546  mense  Februario  migravit  ex  hoc  saeculo.  Ista  vero  sunt  maxime  quae  nos  serio  commovent,  ut  omnino  putemus  ea  quae  de  Luthero  inseruisti  nostrae  responsioni  pro  consensu  nostro,  longe  maiori  cum  fructu  et  tutius  quidem  omitti,  quam  poni  et  evulgari,  crabronibusque  occasionem  nos  impetendi  obiicere.  Iam  quod  attinet  ad  Confessionem  Augustanam,  7)  monemus  et  hic  tibi  caveas,  frater,  ne  rursus  impingas  frustraque  existimes  homines  istos  illa  falso  gloriari.  Nam  nostra  sententia  vere.  non  ialso,  illa  gloriantur.  Etenim  indubitatum  est  iiiius  Confessionis  autorem  fuisse  primarium  D.  Lutherum.  Quis  vero  credat  in  fervore  contentionis  Lutherum  a  semetipso  dissensisse  qui  alibi  palam  iactitat,  confessionem  illam  esse  suam.  Sed  commode,  inquis,  licebit  ipsam  hodie  exponere,  doctis  maxime  et  piis  viris  conniventibus  neque  refragantibus  commodae  expositioni.  Caeterum  hic  quoque,  care  Calvine,  tam  crasse  loquuti  sunt  et  tam  barbare  egerunt,  ut  non  possit  ullus  induci  fucus.  Iactitant  enim  consensum  in  hoc  articulo  Caesaris  et  Papistarum.  Quinimo,  ne  ulla  eis  unquam  pateret  elabendi  rima,  ita  se  coniunxerunt  Papistis,  ut  nunquam  sine  pudore  ab  illis  amplius  avelli  queant:  dum  diserte  confitentur  se  sequi  doctrinam  in  hoc  articulo  romanae  ecclesiae  atque  adeo  receptum  in  tota  ecclesia.  Nolumus  haec  narrantibus  credes:  crede  ipsorum  Apologiae  cuius  haec  sunt  verba  (fol.  91,  M  5):  Decimus  articulus  approbatus  est  (a  quibus,  oro,  nisi  ab  hostibus  professis  evangelii  qui  alios  ipsorum  articulos  reprobarunt,  hunc  non  item.  Viderunt  enim  illos  nihil  variare  ab  ipsorum  errore)  in  quo  confitemur  nos  sentire  quod  in  coena  Domini  vere  et  substantialiter  (hoc  concesso  nihil  litigant  papistae  7)  Be  qua  in  Opp.  I  I  p.  19.