1:280  [A  1  ;  B  1  ;  C  1.  1)  non  requiescit,  quamdiu  sibi  est  incognitus,  hoc  est  suis  dotibus  est  contentus,  et  inscius  suae  miseriae?  Proinde  unusquisque  sui  agnitione  non  tantum  instigatur  ad  quaerendum  Deum,  sed  etiam  ad  reperiendum  quasi  manu  ducitur.  3.  Rursum,  hominem  in  puram  sui  notitiam  nunquam  pervenire  constat,  nisi  prius  Dei  faciem  sit  contemplatus,  atque  ex  illius  consideratione  ad  se  ipsum  inspiciendum  descendat.  Nam  (quae  ingenita  est  omnibus  nobis  superbia)  iusti  semper  nobis  videmur  et  veraces  et  sapientes  et  sancti,  nisi  manifestis  argumentis,  iniustitiae,  mendacii,  stultitiae  et  impuritatis  nostrae  convincamur.  Non  autem  convincimur,  si  in  nos  duntaxat  ipsos  respicimus,  et  non  in  Dominum  quoque;  qui  unica  est  regula  ad  quam  exigendum  sit  istud  iudicium.  Quia  enim  ad  hypocrisin  natura  propensi  sumus  omnes,  ideo  inanis  quaedam  iustitiae  species  pro  iustitia  ipsa  nobis  abunde  satisfacit.  Et  quia  nihil  non  est  inter  nos  2)  plurima  obscoenitate  inquinatum,  quod  paulo  minus  foedum  est  pro  purissimo  recipimus,  si  mentem  nostram  intra  humanae  pollutionis  fines  continemus.  Non  secus  atque  oculus,  cui  nihil  alias  obversatur  nisi  nigri  coloris,  candidissimum  esse  iudicat,  quod  tamen  subobscura  est  albedine,  vel  nonnulla  etiam  fuscedine  aspersum.  Quin  ex  corporeo  sensu  propius  adhuc  discernere  licet,  quantum  in  aestimandis  animae  virtutibus  hallucinemur.  Nam  si  vel  terram  despicimus  medio  die,  vel  intuemur  quae  aspectui  nostro  circumcirca  patent,  validissima  per-  1)  A  denotat  ed.  1539,  B  1543,  C  1545.  Posteriores  sectionum  numeris  signantur  in  omnibus  iisdem.  2)  nihil  est  inter  nos  quod  non  sit  1553  et  seq.