7:28  Probatur  similiter  ratione  :l)  Quia  si  satisfaciendum  est  pro  peccatis  in  hac  vita  mortali,  sequitur  quod  qui  praeventus  est  morte,  debet  satisfacere  in  alio  mundo,  et  per  consequens  est  locus  destinatus  ad  solvenda  debita  quae  restant.  Probatur  etiam  ex  philosophia  naturali:  quia  animae,  quae  ex  crassa  corporis  natura  traxerunt  humorem  ponderosum,  non  possent  statim  in  coelum  evolare,  nisi  prius  desiccarentur  per  ignem.  Quod  autem  magistri  nostri  asserunt  firmiter  credendum,  et  nullatenus  dubitandum,  quod  habet  tantum  apparentiam  probabilitatis,  in  eo  sequuti  sunt  regulam  iuris:  Dubius  in  fide,  infidelis  est.  Satius  est  tamen  dicere,  quod  sit  res  indubitabilis.  Nam  dato  quod  rationes  quae  adducuntur  sint  dubiae,  autoritas  tamen  ecclesiae  superveniens  eas  certificat.  Hoc  autem  posito  quod  sit  purgatorium,  sequitur  infallibiliter  alterum:  quod  miserae  animae,  quae  ibi  torquentur,2)  adiuvandae  sint  vivorum  suffragiis:  et  tenendum  est,  quod  non  sine  causa  missa  pro  defunctis  instituta  fuit,  quae  praesupponit  animas  sacrificio  illo  iuvari  posse.  Ideo  pia  mater  ecclesia,  quum  nihil  haberet  in  scripturis,  maluit  abuti  Psalmis,  et  lectionibus  ex  libro  Iob,  et  multis  locis  prophetarum,  quam  relinquere  miseras  animas  sine  sublevatione.  ANTIDOTUM.  De  purgatorio  in  scripturis  perpetuum  silentium  :  et  Augustinus,s)  qui  in  ea  re  consuetudini  cedit,  agnoscit  tamen  nullo  scripturae  testimonio  hanc  opinionem  adiuvari,  nisi  historia  illa  de  oblatione  Iudae  Machabaei:  quam  tamen  non  esse  canonicam,  nec  certae  autoritatis,  et  ipse  fatetur,  et  Hieronymus  admonet,  et  omnium  consensu  proditum  est.  Nam  locum  qui  citari  solet  ex  priore  ad  Corinthios  (1  Cor.  3,  13),  ipse  aliter  exponit:  quemadmodum  sani  omnes  aliter  exponendum  vident.  Sicut  enim  metaphora  est  in  nominibus  stipulae,  foeni,  et  ligni:  ita  procul  dubio  nomen  ignis  metaphorice  capitur  pro  examine  spiritus,  quo  humanae  doctrinae  pereunt:  Dei  autem  veritas  instar  auri  probatur.  Tametsi  autem  Augustinus,  ut  dixi,  vinci  se"  a  consuetudine  passus  est,  ut  purgatorium  non  negaret:  nihil  tamen  audet  asserere.  Quin  etiam  dubitanter  loquitur,  dicens  incredibile  non  esse,  et,  utrum  ita  sit,  quaeri  posse.  Ad  haec  nequaquam  sibi  constat.  Siquidem  alio  loco  animas,  quum  de  saeculo  exierint,  diversas  receptiones  habere  tradit,  ubi  boni  gaudio  fruantur,  torqueantur  mali.  Requiem  porro,  quae  continuo  post  mortem  1)  Probatur  similiter  ratione.  Haec  interciderunt  m  edit.  Bezae  et  seqq.  2)  qui  sont  la  rosties.  3)  De  cura  pro  mortuis  ag.  cap.  1.