58:28  28  et  l'oraison  est  un  certain  tesmoignage  de  sa  foy,  car  il  n'a  point  prie  a  la  facon  des  incredules,  qui  se  tempestent  contre  Dieu:  mais  il  a  suivi  la  regle  qui  nous  est  donnee  par  sainct  Paul,  combien  qu'elle  ne  fust  pas  encore  escrite:  C'est  de  conioindre  les  actions  de  graces  en  nos  prieres,  en  nous  remettant  a  Dieu,  attendant  paisiblement  l'issue,  telle  qui  ne  se  peut  encore  voir.  Ainsi  donc,  quand  Isaac  a  continue  de  reietter  ainsi  toute  sa  tristesse  au  sein  de  Dieu,  et  toute  la  solicitude  qui  le  pressoit,  et  tous  les  ennuis  et  facheries,  et  toutes  les  angoisses  dont  il  estoit  enserre:  quand  donc  il  a  remis  tout  cela  au  giron  de  Dieu,  c'a  este  une  certaine  approbation  de  sa  foy.  C'est  donc  ce  que  nous  avons  a  retenir  de  son  exemple  :  c'est  assavoir,  que  nous  ne  pensions  pas  que  Dieu  s'oblige  a  nous  de  faire  tout  ce  qu'il  a  dit,  du  premier  coup:  mais  qu'apres  avoir  parle  il  ne  donnera  aucum  signe  d'accomplir  son  oeuvre,  et  nous  penserons  que  ce  n'ont  este  que  paroles  (comme  on  dit)  de  tout  ce  qu'il  nous  a  promis.  Il  faut  donques  que  nous  soions  retenus  de  telle  patience:  comme  aussi  l'Apostre  nous  exhorte  a  cela  au  dixieme  chapitre  de  l'epitre  aux  Hebrieux.  Que  de  iour  en  iour,  d'an  en  an,  et  toute  nostre  vie,  et  comme  si  rien  n'estoit,  que  nous  soions  la  a  nous  tenir  cois,  et  faire  silence  a  Dieu,  pour  ne  point  nous  escarmoucher,  ne  faire  bruit  ne  venir  contester  a  l'encontre,  ni  le  sommer,  selon  que  nous  avons  nos  appetis  fretillans.  Et  sur  cela  nous  avons  a  pratiquer  ce  que  l'Apostre  allegue  aussi  du  Prophete  Habacuc  (Heb.  10,  37),  Que  si  la  promesse  tarde,  nous  attendions,  et  qu'elle  ne  tardera  point.  La  il  met  deux  choses:  II  dit  bien  que  la  promesse  de  Dieu  ne  tardera  point  c'est  a  dire  qu'elle  aura  son  execution  toute  certaine,  et  en  son  opportunite:  mais  quant  est  de  nous  et  de  nostre  sens,  il  dit,  qu'elle  tardera  :  ainsi,  que  nous  avons  besoin  d  attente.  Voila  donc  comme  nostro  foy  doit  estre  examinee.  Car  si  nous  esperons  que  Dieu  se  monstrera  fidele  envers  nous,  et  que  nous  demeurons  la  fermes  et  constans,  il  faut  que  nous  soions  quant  et  quant  exercez  en  prieres  et  oraisons.  Car  la  foy  ne  doit  point  estre  oisive.  En  somme,  si  nous  avons  a  vivre  ici  bas,  comme  povres  malotrus,  et  que  les  uns  soient  affligez  de  maladies,  et  les  autres  de  povrete,  que  chacun  ait  a  endurer  beaucoup  d'afflictions  et  de  miseres:  que  nous  passions  outre  neantmoins,  et  que  nous  sachions  quand  Dieu  nous  promet  de  nous  estre  Pere,  que  ce  n'est  pas  pour  le  nous  monstrer  tousiours  a  veue  d'oeil,  II  nous  donnera  bien  quelque  goust  de  sa  bonte,  entant  que  besoin  sera,  mesme  nous  en  aurons  dequoy  nous  rassasier,  moyennant  que  nostre  foy  y  soit  tousiours  coniointe:  tellement  que  nous  sentirons  que  ce  qu'il  a  prononce  n'est  pas  pour  nous  tromper.  Ouvre  ta  bouche,  et  ie  la  rempliray  (Ps.  81,  l  l  )  .  Mais  quoy  qu'il  en  soit,  si  faut