54:28  quant  a  ce  titre  de  la  foy  qui  estoit  enracinee  en  la  personne  de  Timothee.  Et  cela  nous  doit  servir  d'instruction  generale  a  tous,  comme  sainct  Paul  adiouste  pour  mieux  confermer  Timothee,  qu'il  poursuive  le  bon  train  ou  il  estoit  entre,  quand  il  a  eu  sa  mere-grand,  et  sa  mere  qui  ont  eu  une  vraye  foy.  Pourquoy  estce  qu'il  ne  fait  mention  ici  du  pere  aussi  bien?  Il  ne  pouvoit  pas,  car  il  estoit  Payen,  ainsi  que  sainct  Luc  le  recite  aux  Actes.  Yoila  donc  Timothee  qui  est  engendre  d'un  pere  Payen,  et  son  lignage  paternel  estoit  pollu  devant  Dieu,  et  condamne:  mais  du  coste  de  sa  mere  il  estoit  luis.  Voila  pourquoy  sainct  Paul  notamment  luy  propose  l'exemple  de  sa  mere.  Cognoissons  donc  qu'ici  l'orgueil  des  hommes  est  rabbatu  :  car  il  n'est  point  question  de  se  priser  selon  les  degrez  qui  sont  ici  bas  en  terre.  Il  est  vray  que  l'homme  est  a  preferer  a  la  femme,  voire  quant  a  la  police,  qu'il  faut  qu'il  ait  tousiours  la  preeminence  et  la  dignite  d'estre  le  chef  de  la  femme.  Mais  si  l'homme  s'esgare,  qu'il  soit  idolatre  et  un  desbauche,  qu'il  soit  pervers:  quand  la  femme  se  tiendra  a  la  parole  de  Dieu,  qu'elle  aura  Iesus  Christ  pour  son  chef  devant  les  anges  de  paradis,  elle  surmontera  tous  les  hommes  qui  se  seront  ainsi  esgarez,  et  faudra  que  ce  qui  est  dit  des  enfans  de  Dieu,  soit  accompli  en  une  femme,  Que  nous  marcherons  sur  tous  nos  ennemis,  que  nous  leur  foulerons  la  teste  aux  pieds.  Notons  bien  donc  que  tout  orgueil  de  la  chair  est  ici  abbatu,  afin  que  nous  rendions  a  Dieu  l'honneur  qui  luy  appartient,  quand  il  est  dit  que  la  mere-grand  et  la  mere  de  Timothee  ont  este  prisees  devant  Dieu,  et  qu'elles  ont  ceste  dignite  d'estre  ici  nommees,  et  que  les  hommes  sont  la  laissez,  comme  indignes  qu'on  en  face  iamais  mention,  et  mentans  d'estre  reiettez,  et  comme  plongez  aux  abysmes.  Et  pourquoy?  Car  ils  ne  font  point  hommage  au  Dieu  vivant.  Mais  les  femmes  sont  ici  comme  canonizees,  Dieu  les  met  en  son  registre,  et  les  met  en  degre  honorable.  Au  reste,  notons  que  la  foy  dont  parle  ici  sainct  Paul,  a  este  ceste  bonne  affection  que  ces  femmes  avoyent  eue  de  servir  a  Dieu,  combien  que  l'Evangile  ne  leur  fust  point  encores  revele.  Ainsi  donc,  nonobstant  qu'il  n'y  eust  pas  une  pleine  cognoissance  de  l'Evangile,  et  de  nostre  Seigneur  Iesus  Christ,  si  est-ce  que  ces  femmes-ci  ont  eu  une  foy  droite,  et  approuvee  de  Dieu.  Pourquoy?  Car  elles  attendoyent  le  Mediateur  qui  estoit  promis:  encores  qu'il  n'ait  point  este  revele  leur  vie  durant,  il  suffit  qu'elles  ayent  chemine  en  ceste  esperance,  et  qu'elles  ayent  invoque  Dieu,  iusques  a  ce  qu'il  eust  accompli  ce  qu'il  avoit  promis.  Et  ce  n'est  point  une  petite  louange  que  ceste-ci:  car  du  temps  de  S.  Paul  tout  estoit  tellement  profane,