53:28  enfans  de  Dieu.  Et  ainsi  donc  ce  qui  esmouvera  des  troubles  entre  les  hommes,  et  qui  n'est  point  pour  edifier,  non  seulement  on  le  doit  reietter  comme  inutile,  mais  on  le  doit  detester  comme  peste,  poison  et  venin.  Et  pourquoy?  Pource  qu'il  n'y  a  rien  pire,  ne  qui  emporte  plus  grand  dommage  a  la  foy  que  d'entrer  en  telles  contentions.  Il  est  vray  que  le  mot  de  dispute  ne  sonne  pas  tousiours  mal.  Il  est  dit  que  sainct  Paul  a  dispute,  mais  cela  a  este  modere  par  raison:  et  puis  il  y  a  este  contraint  pour  donner  resolution  des  choses  qui  estoyent  en  doute  et  en  difficulte:  mais  si  tost  qu'on  entre  en  contention  et  debat,  voila  une  peste  mortelle:  il  faut  que  tout  cela  soit  reiette  loin  de  nous,  si  nous  voulons  estre  tenus  et  reputez  pour  enfans  de  Dieu.  Et  ainsi  maintenant  nous  voyons  en  somme  que  sainct  Paul  a  voulu  ici  rembarrer  tous  ceux  qui  par  ambition  desguisent  la  pure  simplicite  de  l'Evangile.  Et  comment?  par  leurs  folles  questions  et  inutiles.  Et  puis  il  monstre  que  quand  une  fois  ils  se  sont  fourvoyez  du  droit  chemin,  et  qu'ils  ne  tienent  point  ceste  simplicite  que  nous  devons  tenir,  qu'ils  desguisent  la  parole  de  Dieu,  qu'ils  excedent  leurs  limites,  et  sont  cause  que  les  enfans  de  Dieu  sont  divisez,  au  lieu  qu'il  y  devoit  avoir  un  vray  lien  d'unite,  d'autant  que  la  parole  de  Dieu  apporte  avec  soy  le  message  de  paix:  au  lieu  de  cela,  qu'il  y  ait  des  troubles  et  contentions  qui  ne  peuvent  sinon  destruire  au  lieu  d'edifier.  Ainsi,  nous  voyons  que  sainct  Paul  non  sans  cause  pour  remedier  aux  vices  qui  regnoyent  de  son  temps,  et  lesquels  estoyent  pour  corrompre  la  simplicite  de  l'Evangile,  a  monstre  que  Dieu  nous  a  donne  la  perfection  de  toute  sagesse  en  l'Escriture  saincte.  Et  pourtant,  qu'il  ne  faut  pas  que  les  hommes  et  les  creatures  s'attentent  de  s'aliener  de  la,  mais  qu'ils  se  contentent  de  ce  qui  y  est  contenu.  Or  nous-nous  prosternerons  devant  la  face  de  nostre  bon  Dieu  etc.  TROISIEME  SERMON.  Chap.  I,  v.  5.7.  Ce  n'est  pas  d'auiourd'huy  que  le  diable,  corrompant  l'Escriture  saincte,  prend  ceste  couverture  qu'il  ne  veut  point  amener  doctrine  mauvaise,  ne  mesmes  contredire  en  facon  que  ce  soit  a  la  verite  de  Dieu.  Et  pourtant  nous  est-il  commande  de  bien  examiner  toute  doctrine.  Car  le  diable  ne  peut  tellement  coulourer  ses  mensonges  et  tromperies,  que  quand  nous  serons  venus  a  la  touche  de  l'Escriture  saincte,  la  nous  ne  cognoissions  ce  qui  est  a  recevoir,  et  que  nous  ne  le  puissions  discerner  d'avec  les  doctrines  bastardes,  et  ce  qui  aura  este  forge  au  cerveau  des  hommes.  Tant  y  a  que  de  prime  face  le  diable  se  couvre  de  ce  manteau,  comme  il  a  falu  que  les  Apostres  ayent  bataille