51:28  est  question  de  servir  a  Dieu.  Et  pourquoy?  Car  nostre  nature  tire  tout  au  rebours,  et  iamais  nous  ne  pourrons  aimer  le  bien,  sinon  en  nous  estant  fait  force  et  violence.  Il  faut  donc  que  les  hommes  s'efforcent,  qu'ils  se  contraignent,  et  qu'ils  usent  ici  d'un  combat  contre  un  ennemi  mortel,  quand  il  est  question  de  tendre  au  bien.  Et  quels  sont  nos  ennemis?  Il  est  vray  que  le  diable  est  le  chef,  et  que-  c'est  luy  qui  nous  dresse  d'horribles  assau.  Mais  cependant  toutes  nos  pensees,  toutes  nos  affections,  tous  nos  desirs,  ce  sont  autant  d'ennemis  mortels  qui  taschent  de  nous  mener  a  perdition.  Or  s'ils  combatent  contre  Dieu,  il  est  certain  qu'ils  sont  aussi  contraires  a  nostre  salut.  Nous  voyons  donc  ici  l'intention  de  sainct  Paul,  c'est  comme  s'il  criait  a  Parme,  pour  monstrer  que  si  les  Chrestiens  sont  endormis  ou  nonchalans,  et  qu'ils  cuident  servir  a  Dieu  a  leur  aise,  que  c'est  un  abus:  mais  d'autant  qu'ils  ont  des  combats  a  soustenir  sans  fin  et  sans  cesse,  d'autant  que  iour  et  nuict  ils  sont  solicitez  par  Satan,  et  qu'il  chemine  par  astuces  et  trahisons  :  et  puis  qu'il  y  viendra  par  violence  pour  les  desbaucher,  il  faut  qu'ils  soyent  fortifiez  a  bon  escient,  et  qu'ils  entrent  en  combat,  et  qu'ils  continuent  iusques  en  la  fin:  et  qu'ils  ne  cuident  point  avoir  ni  paix  ni  trefves,  iusques  a  ce  que  Dieu  les  retire  de  ce  monde.  Voila  en  somme  ce  qu'emporte  la  doctrine  de  sainct  Paul.  Or  ceste  exhortation  nous  est  plus  que  necessaire,  d'autant  que  la  pluspart  cuident  que  c'est  assez  quand  ils  auront  quelque  petite  devotion  de  servir  a  Dieu,  et  combien  qu'ils  cropissent  en  beaucoup  d'ordures,  ce  leur  est  tout  un:  et  les  autres  se  despitent  quand  ils  voyent  la  difficulte  qu'il  y  a  de  se  reigler  au  bien.  Et  comment  serail  possible?  Il  semble  que  Dieu  nous  presse  outre  mesure:  car  il  ne  cerche  point  ce  qui  nous  vient  a  gre:  mais  plustost  le  condamne.  Or  comment  viendrons  nous  a  bout  de  nous  employer  la?  car  nostre  inclination  tend  au  rebours  de  sa  volonte.  Il  semble  donc  qu'il  se  mocque,  quand  ii  nous  presse  ainsi,  et  que  ne  nous  donne-il  une  autre  nature  que  celle-ia?  Voila  donc  comme  beaucoup  blasphement  contre  Dieu,  regardans  a  leurs  vices.  Or  a  fin  que  nul  ne  s'endorme,  et  que  nous  ne  cuidions  point  avoir  accompli  ce  que  Dieu  demande  quand  nous  aurons  suyvi  ie  ne  scay  quel  train  a  demi,  et  que  nous  n'aurons  pas  este  pleinement  desbauchez,  sainct  Paul  dit  que  l'Esprit  convoite  contre  la  chair,  et  la  chair  Contre  l'Esprit.  En  disant  que  la  chair  convoite,  il  signifie  que  iamais  nous  ne  pourrons  servir  a  Dieu  d'une  facon  paisible,  pour  ce  qu'il  y  aura  tousiours  des  empeschemens  beaucoup,  et  que  nous  serons  solicitez  a  mal.  Et  quand  mesmes  nous  serons  resolus  de  nous  assuiettir  pleinement  a  la  parole  de  Dieu.  et  h  ea