49:28  tarem,  sic  reddidi.  Idololatriae  flagitium  proprie  notat.  Creaturae  enim  dari  honor,  religionis  causa,  non  potest  quin  a  Deo  indigne  et  per  sacrilegium1)  transferatur:  frustraque  excusatur  propter  Deum  imagines  coli  :  quando  hunc  cultum  non  agnoscit,  nec  sibi  acceptum  fert  Deus.  Et  omnino  tunc  non  colitur  veius  Deus,  sed  factitius,  quem  sibi  caro  somniavit.  Et  quod  subditur  qui  est  bened  i  c  t  u  s  ,  in  maiorem  idoloatrarum  ignominiam  dictum  interpretor,  in  hunc  sensum,  Quem  solum  honorari,  adorarique  oportuit,  et  cui  fas  non  fuit  quidquam  vel  minimum  auferri.  26.  Propterea  tradidit  illos  Deus.  Velut  inter*  posita  parenthesi  redit  ad  id  quod  prius  coeperat  de  ultione  Domini:  ac  primum  specimem  affert  in  horrendo  facinore  praeposterae  veneris:  unde  constat  non  prostitutos  modo  fuisse  in  beluinas  cupiditates,  sed  infra  bestias  prorupisse,  quum  totum  naturae  ordinem  everterint.  Deinde  enumerat  longam  vitiorum  seriem,  quae  quum  saeculis  omnibus  exstiterunt,  tum  vero  passim  regnabant  licentissime.  Nec  refert  quod  non  laborabant  singuli  tanta  vitiorum  colluvie:  nam  in  vulgari  hominum  turpitudine  taxanda  satis  est,  si  ad  unum  omnes  recognoscere  aliquem  naevum  coguntur.  Sio  ergo  habendum  est,  Paulum  hic  ea  flagitia  perstringere,  quae  et  saeculis  omnibus  vulgaria  fuerant,  et  ea  potissimum  aetate  erant  passim  conspicua.  Nam  illa,  quam  brutae  pecudes  abominantur,  spurcitia  mirum  quantopere  tum  divulgata  esset:  alia  vero  popularia  erant.  Deinde  eum  catalogum  scelerum  recensere,  in  quo  universum  hominum  genus  comprehendatur.  Nam  etsi  non  omnes  vel  homicidae  sunt,  vel  fures,  vel  adulteri:  nemo  est  tamen  qui  non  deprehendatur  aliquo  vitio  inquinatus.  Passiones  ignominiae  vocat,  quae  hominum  etiam  opinione  sunt  pudendae��  Respondent  autein  Dei  inhonoratione  27.  Quam  decuit  erroris  mercedem.  Excaecari  enim  merentur,  ut  obliviscantur  sui,  nec  quid  sibi  conveniat  videant,  qui  ad  oblatam  Dei  lucem  oculos  clauserunt  sua  malignitate,  ne  gloriam  eius  conspicerent:  denique  ut  caecutiant  in  meridie^  quos  non  puduit  eocstinguere  (quantum  in  se  erat)  Dei  gloriam^  quae  sola  nos  illustrat.  28.  Et  quemadmodum  non  probaverunt  Observanda  in  verbis  allusio,  quae  aequam  peccati  et  poenae  relationem  eleganter  indicat.  Quia  non  probaverunt  permanere  in  Dei  cognitione,  quae  sola  mentes  nostras  ad  recte  sapiendum  dirigit,  perversam  illis  mentem  dedit  Dominus,  quae  nihil  iam  probare  posset.  Quod  autem  ait  non  probasse,  perinde  est  ac  si  diceret,  cognitionem  Dei  non  esse  persequutus  quo  debuerant  studio,  sed  cogitationem  potius  suam  data  opera  a  Deo  avertisse.  Significat  ergo  eos  l)  derivetur  et