46:28  est  obscurcie  d'autant,  et  venons  tousiours  comme  la  teste  levee,  voire  les  cornes.  Car  nous  sommes  comme  bestes  sauvages  iusques  a  ce  que  Dieu  nous  ait  mattez  par  force.  Ainsi  donc  il  faut  que  nous  soyons  touchez  de  crainte  pour  nous  esiouir  en  nostre  Dieu,  tellement  que  nous  soyons  confus  en  nous-mesmes,  cognoissans  quels  nous  sommes:  et  alors  nous  viendrons  a  luy.  Et  ceste  severite  de  laquelle  il  use  pour  parler  a  nous,  sera  en  la  fin  toute  pleine  de  ioye:  et  ne  dirons  pas  avec  sainct  Pierre,  Seigneur,  retire  toy  de  moy:  car  ie  suis  un  povre  pecheur:  mais  cognoissans  qu'il  n'y  a  en  nous  que  povrete  et  misere,  qu'il  n'y  a  que  peche,  tant  plus  serons-nous  incitez  d'approcher  de  nostre  Dieu,  qui  est  la  fontaine  de  toute  iustice.  Et  cest  pourquoy  maintenant  ii  est  dit  par  S.  Luc,  que  Zacharie  ayant  veu  l'Ange,  qui  s'estoit  monstre  au  coste  de  l'autel,  a  este  effraye:  et  non  seulement  cela,  mais  que  crainte  Va  saisi:  qu'il  a  este  comme  abatu.  Si  un  tant  sainct  personnage,  qui  cheminoit  (comme  desia  nous  avons  veu)  en  si  grande  sainctete,  qu'il  est  yci  propose  comme  un  miroir  de  perfection:  si  cestuy-la  a  este  effraye  de  la  presence  de  l'Ange,  nous  avons  plus  grande  raison  de  nostre  coste,  voire  pour  les  deux  causes  que  nous  avons  alleguees.  Car  Zacharie  s'estoit  tout  accoustume  de  porter  a  Dieu  la  reverence  qu'il  luy  devoit,  et  neantmoins  encores  a-il  falu  qu'il  fust  enseigne  de  ceste  facon.  Or  que  chacun  de  nous  s'examine,  et  nous  trouverons  que  la  Parole  de  Dieu  nous  est  si  estrange,  que  sa  verite  nous  est  tant  obscure,  a  cause  que  nous  sommes  plongez  en  nos  tenebres,  que  nous  ne  pouvons  estre  vrayement  resolus  en  la  foy,  ni  estre  appuyez  sur  la  doctrine  de  l'Evangile,  si  nous  ne  sommes  disposez  par  ce  moyen,  c'est  a,  scavoir  que  Dieu  nous  fasse  sentir  sa  vertu,  voire  la  vertu  de  son  sainct  Esprit,  telle  que  nous  soyons  contrains  de  confesser  que  c'est  luy  qui  parle.  Il  y  a  pour  le  second,  que  nous  sommes  tant  addonnez  a  nos  affections,  qu'il  faut  bien  que  Dieu  nous  tienne  en  un  ioug  dur  et  estroit  pour  nous  dompter.  Car  il  y  a  aussi  bien  ceste  folle  outrecuidance  qui  nous  decoit,  et  nous  enyvre,  a  scavoir  que  nous  pensons  bien  avoir  des  vertus  en  nous,  par  lesquelles  Dieu  nous  est  comme  oblige.  Et  ainsi  il  faut  en  toutes  sortes  que  nous  soyons  abatus,  et  que  nous  pensions  que  c'est  un  trop  grand  maistre  que  Dieu,  pour  se  iouer  avec  luy:  et  que  nous  soyons  ravis,  pour  porter  l'honneur  a  sa  gloire  tel  qu'elle  merite:  et  que  d'autre  coste  aussi  nous  scachions  que  nous  serions  abysmez  de  sa  presence,  sinon  qu'il  eust  pitie  de  nous,  et  qu'il  nous  supportast.  Et  aussi  ii  faut  bien  quand  nous  lisons  sa  parole,  ou  que  nous  soyons  quand  elle  nous  est  preschee,  que  nous  cognoissions  la  nostre  vanite,  si  les  choses  nous  semblent  encores