44:28  (vel  horribilem,  vel  celerem)  faciet  cum  omnibus  incolis  terrae.  Repetit  quod  iam  dixerat,  nempe  vana  fore  omnia  subsidia,  quae  Iudaei  sperabant  sibi  fore  in  promptu  ad  prohibendam  Dei  vindictam.  Quamvis  enim  non  audeant  palam  homines  Deum  repellere,  tamen  per  flexuosos  circuitus  semper  sperant  fore  sibi  aliquam  rationem,  qua  declinent  iudicium  eius.  Ergo  quoniam  Iudaei  sua  opulentia  confisi,  sicuti  urbibus  munitis,  superbiebant  contra  Deum,  propheta  hic  negat  aurum  vel  argentum  fore  illis  subsidio.  Accumulent,  inquit,  suas  opes:  etiamsi  ex  congerie  auri  et  argenti  conficiant  sibi  altos  montes,  non  poterunt  tamen  arcere  manum  Dei,  neque  poterunt  se  liberare.  Quare?  iterum  etiam  repetit  diem  hunc  fore  excandescentiae  Dei  Scimus  enim  hostes  saevissimos  interdum  placari  pretio:  quia  avaritia  mitigat  eorum  crudelitatem.  Sed  propheta  hic  praedicit,  quoniam  Deus  in  bello  illo  dominabitur,  non  fore  locum  redemptioni:  ac  ideo  inutile  fore  argentum,  quia  Deus  non  poterit  his  modis  reduci  in  gratiam,  donec  ipsi  resipuerint,  et  humiliati  fuerint  coram  ipso.  Ideo  subiungit  terram  absorbendam  esse  igne  aemulationis  Dei,  vel  indignationis.  Comparat  autem  iram  Dei  incendio:  quia  illic  non  est  locus  pactionibus,  ubi  grassatur  ignis  :  sed  quo  plus  est  materiae,  eo  etiam  plura  sunt  fomenta  ad  ignem  inflammandum.  Sic  ergo  propheta  excludit  ab  omni  spe.salutis  Iudaeos,  nisi  se  reconcilient  Deo  per  veram  et  sinceram  poenitentiam.  Quia,  inquit,  consumptionem  faciet  cum  omnibus  incolis  terrae,  et  quidem  celerrimam,  vel  expeditam.  Denique  significat,  quoniam  obduruerant  Iudaei  ad  omnem  doctrinam,  sensuros  talem  Dei  vindictam,  quae  ipsos  prorsus  absumat,  quia  noluerint  eam  praevenire,  sed  potius  sua  superbia,  deinde  stupore  vel  extenuaverint  ipsam,  vel  etiam  deriserint.  Iam  sequitur:  CAPUT  ll.  1.  Colligite  vos,  et  colligite  gens  non  amabilis.  2.  Antequam  pariat  decretum,  sicut  stipula  transibit  die,  antequam  veniat  super  vos  furor  irae  Iehovae,  antequam  veniat  super  vos  dies  irae  Iehovae.  Postquam  concionatus  est  propheta  de  ira  Dei  et  ostendit  quam  terribilis  futura  sit,  deinde  adiunxit  eam  prope  instare,  nunc  Iudaeos  hortatur  ad  poenitentiam  :  et  ita  mitigat  superioris  doctrinae  acerbitatem,  si  modo  flexibiles  reperiat  animos.  Et  hinc  colligimus  Deum  contra  homines  verbo  fulmi-