40:28  ipsum  loqui  in  Chaldaea.  Dicit  ergo  fuisse  sermonem  Iehovae  ad  ipsum.  Nescio  cur  somnient  quidam  hic  Ieremiam  vocari  Buzi,  nisi  quod  Iudaeis  persuasum  est,  et  quideba  inscite,  nunquam  patrem  prophetae  exprimi,  nisi  qui  fuerit  propheta.  Coarguitur  illa  inscitia  aliis  locis.  Sed  hic  certe  pudenda  est  eorum  curiositas,  quum  volunt  istum  Buzi  esse  prophetam  :  quia  autem  neminem  reperiunt,  fingunt  esse  Ieremiam.  Quasi  vero  probabile  esset,  patrem  fuisse  relictum  Hierosolymae,  filium  autem  fuisse  exsulem  :  illud  certe  nihil  coloris  habet.  Sed  quia  erat  ex  genere  sacerdotali,  ideo  dicit  se  esse  filium  Buzi.  Oportuit  enim  prophetam  nostrum  habere  aliquod  nomen,  quia  si  fuisset  ex  obscura  plebe  vix  fuisset  auditus.  Ergo  sacerdotalis  dignitas  aliquid  valuit,  ut  facilius  eum  admitterent.  Iam  diserte  exprimit  quod  ante  dixi,  in  terra  Chasdim,  ac  si  diceret  tametsi  Deus  antea  non  fuisset  solitus  prophetas  suos  excitare  in  longinquis  terris,  atque  adeo  pollutis:  tamen  nunc  mutatam  esse  hanc  rationem,  quia  etiam  apud  Chaldaeos  fuerit  praeditus  spiritu  prophetico.  Et  emphatice  etiam  additur  particula  Dttf,  fuit  super  ipsum  illic,  inquit.  Nam  alioqui  exhorruissent  Iudaei  Ezechielem,  quasi  aliquod  portentum,  quum  audirent  ex  Chaldaea  profectum  esse  Dei  sermonem:  quid?  an  Deus  polluet  atque  contaminabit  suam  doctrinam,  ita  ut  exoriatur  illinc?  Quales  sunt  Chaldaei,  ut  Deus  erigat  illic  sedem  suam?  Habet  autem  domicilium  in  monte  Sion,  hic  colitur  et  invocatur.  Ergo  necesse  est  hic  ardere  eius  lucernam,  quemadmodum  saepius  testatus  est  per  prophetas.  Talibus  ergo  iactantiis  opponit  propheta,  Deum  iam  coepisse  etiam  loqui  in  Chaldaea,  et  illic  conspicuam  fuisse  eius  virtutem.  Dicit  sibi  datum  fuisse  sermonem  Iehovae,  quia  scimus  unum  Deum  esse  audiendum,  et  prophetas  non  aliter  esse  audiendos,  quam  si  proferant  quod  ab  ipso  profectum  est.  Ergo  necesse  est  omnes  ecclesiae  doctores  prius  fuisse  discipulos,  ita  ut  solus  Deus  ius  suum  retineat,  et  sit  unicus  dux  et  magister.  Ut  igitur  penes  unum  Deum  resideat  autoritas,  prophetae  ubi  audiri  postulant  simul  adiungunt  se  non  afferre  sua  commenta,  sed  fideliter  tradere  quod  a  Deo  sumpserunt.  Sic  ergo  propheta  noster.  Ego  haec  levius  attingo,  quoniam  alibi  fusius  tractata  sunt.  Tandem  addit,  super  eum  fuisse  manum  Iehovae.  Quod  quidam  manum  exponunt  prophetiam,  videtur  mihi  esse  leve  ac  dilutum.  Ego  itaque  manum  accipio  pro  virtute,  quasi  diceret  Ezechiel  se  fuisse  indutum  virtute  Dei,  unde  constaret  ipsum  electum  esse  prophetam.  Manus  igitur  Domini  fuit  testimonium  novae  gratiae,  ut  Ezechiel  posset  quasi  pro  imperio  subiicere  sibi  omnes  captivos,  quoniam  gestabat  Dei  personam.  Posset  hoc  etiam  referri  ad  efficaciam  doctrinae.  Dominus  enim  non  tantum  suggerit