36:28  suas  clades  nunciare:  quemadmodum  nec  Amos  vocationis  suae  fines  egrediebatur,  quum  neque  parcebat  Iudaeis,  licet  ad  eos  missus  non  esset.  Exemplum  familiarius  erit  de  Petri  et  Pauli  vocatione,  quorum  alter  Iudaeis,  alter  gentibus  destinatus  erat.  Nec  tamen  Petrus  ultra  metas  officii  sui  perrupit  gentibus  praedicando,  veluti  dum  ad  Cornelium  profectus  est:  nec  Paulus,  Iudaeis  suam  operam  offerens,  ad  quos  recta  pergebat,  simulatque  urbem  aliquam  ingrediebatur.  Idem  de  Isaia  censendum  est  :  nec  enim  dum  attentus  est  ad  docendos  Iudaeos,  et  in  hunc  scopum  ex  professo  studium  suum  dirigit,  fines  suos  transgreditur,  obiter  aliarum  etiam  nationum  mentionem  faciens.  Iudam  hic  pro  tota  natione  accipit:  Ierosolymam,  pro  sede  regni  praecipua.  Nec  enim  secernit  ipsam  a  Iudaeis,  sed  %  eCox^v  veluti  caput  nominat,  ac  si  quis  hodie  propheta  regnum  Galliae  et  Lutetiam,  quae  caput  est  gentis,  compellaret.  Idque  operae  pretium  fuit,  ne  Ierosolymitani  sese  eximerent,  quasi  vacuos  omni  culpa,  aut  propter  dignitatis  eminentiam  legibus  solutos,  atque  ita  ad  rusticos  et  plebeculam  prophetas  amandarent.  Falluntur  autem  qui  seorsum  Ierosolymam  nominari  volunt,  quod  in  tribu  Beniamin  sita  esset:  quum  dimidia  tribus,  quae  posteris  Davidis  parebat,  sub  Iudae  nomine  comprehendatur.  2  .  {Audite  coeli.)  Isaias  hic  Mosem  imitatus  est  (Deut.  32.  2),  sicuti  mos  est  omnibus  prophetis.  Nec  dubium  quin  alluserit  ad  celebre  canticum  illud  Mosis,  ubi  coelum  et  terram  statim  ab  exordio  adversus  populum  contestatur:  quae  contestatio  certe  gravissima  est.  Nam  perinde  valet,  ac  si  ad  muta  elementa  et  sensu  carentia  uterque  se  converteret,  quia  iam  nullae  hominibus  sint  aures,  vel  obstupefacti  sint  omnes  sensus.  Sic  ergo  loquitur  Isaias,  ut  de  re  prodigiosa  et  stupenda,  quae  brutis  etiam  elementis  horrorem  incutere  debeat.  Quid  enim  magis  horrendum  quam  Israelitas  deficere  a  Deo,  a  quo  tot  beneficiis  ornati  erant?  Qui  per  Coelum  angelos,  per  Terram  homines  intelligunt,  vim  istorum  verborum  nimium  extenuant,  ideoque  quidquid  est  vehementiae  et  gravitatis  enervant.  Porro  omnes  fere  interpretes  statuunt  hic  clausulam  :  Quoniam  Dominus  loquutus  est,  perinde  ac  si  innueret  propheta,  simulatque  sacrosanctum  os  Dominus  aperit,  omnia  debere  intenta  esse  ad  excipiendam  eius  vocem.  Et  certe  uberior  in  speciem  videtur  haec  sententia:  verum  circumstantia  loci  alium  contextum  requirit:  ut  scilicet  illud  Audite  referatur  non  ad  quemlibet  sermonem  generaliter,  sed  tantum  ad  expostulationem  quae  proxime  sequitur.  Quare  sensus  est;  Audite  querimoniam  quam  Dominus  profert  in  medium:  Filios  educavi,  ete.  Refert  enim  portentum,  ad  cuius  conspectum  perhorrescit,  ut  cogatur  mortuas  creaturas  praeter