34:28  pourquoi?  Pource  que  iamais  ils  n'ont  cognu  ni  gouste  ce  que  l'Escriture  saincte  exprime  tant  soigneusement,  c'est  assavoir,  que  pour  bien  servir  Dieu,  il  nous  le  faut  prier.  Voila  le  plus  grand  service  et  le  plus  honorable  qu'il  demande  de  nous:  c'est  le  plus  grand  honneur,  et  le  plus  souverain  qu'il  requiert  et  approuve,  assavoir  que  nous  ayons  nostre  refuge  a  lui.  Or  si  cela  eust  este  considere  des  Papistes,  n'auroyent  ils  point  horreur  d'aller  a  une  creature  morte,  et  de  dire,  l'adore  Dieu:  ou  bien,  Ie  lui  rend  ce  qui  lui  est  deu?  Voici  la  priere  qui  est  le  principal  service  qu'il  demande  de  nous,  et  cependant  ils  le  vont  transporter  a  une  creature.  Ne  voila  point  mesmes  pervertir  l'ordre  de  nature?  Ainsi  donc  d'autant  mieux  nous  faut-il  bien  noter  ce  qui  est  ici  contenu,  c'est  assavoir,  que  sous  ce  mot  d'Oraison  Iob  a  voulu  declarer  qu'il  avoit  purement  servi  a  Dieu.  Et  ainsi  maintenant  si  les  hommes  veulent  approuver  leur  integrite,  qu'ils  n'amenent  point  leurs  fariboles  en  avant,  comme  les  hypocrites  ont  accoustume  de  faire,  N'avons-nous  pas  ieusne?  n'avons-nous  pas  fait  ceci  et  cela?  Mais  cognoissons  que  nostre  Seigneur  veut  que  nostre  vie  soit  reglee  a  sa  Loi,  et  qu'il  ait  toute  maistrise  sur  nous.  Voila  pour  un  Item.  Au  reste,  nous  avons  aussi  a  noter,  que  nostre  oraison  ne  sera  iamais  pure  devant  Dieu,  ni  agreable,  sinon  que  nos  mains  soyent  pures  de  toute  violences.  Et  pourquoi?  Si  nous  sommes  cruels  envers  nos  prochains,  et  mal-faisans,  Dieu  nous  reprouve,  et  n'avons  nul  accez  a  lui.  Vray  est  que  beaucoup  attentent  de  prier  Dieu,  encores  qu'ils  soyent  pleins  de  rapines,  et  qu'ils  ayent  moleste  l'un,  tormente  l'autre,  o  ils  ne  laissent  pas  d'estre  assez  hardis  pour  cela  d'invoquer  Dieu:  mais  si  est-ce  que  leurs  prieres  ne  sont  qu'abomination,  d'autant  que  leurs  mains  sont  souillees  en  sang,  c'est  a  dire,  en  malices.  Et  voila  aussi  pourquoi  Dieu  se  plaint  par  son  Prophete  Isaie  (1,  12),  que  les  Iuifs  venoyent  user  le  pave  de  son  temple:  et  ainsi  se  mocquer  d'eux,  signifiant  qu'il  ne  prenoit  point  cela  a  gre  qu'ils  vinssent  au  temple,  faisans  semblant  de  le  vouloir  honorer:  car  (dit-il)  vos  mains  sont  pleines  de  sang,  c'est  a  dire,  vous  n'avez  cesse  de  nuire  et  mal-faire  a  vos  prochains:  or  pensez-vous  que  ie  vous  donne  maintenant  accez  a  moy,  ne  que  ie  doive  avoir  nulle  accointance  avec  vous?  Voila  en  somme  ce  que  nous  avons  a  retenir  de  ce  passage.  Or  Iob  adiouste,  Terre,  ne  cache  point  mon  sang,  et  qu'il  riy  ait  point  de  lieu  a  mes  cris.  On  a  mal  expose  ce  passage,  Que  la  terre  ne  cache  point  le  sang:  car  on  a  entendu,  que  Iob  vouloit  que  ses  miseres  fussent  cognues,  d'autant  qu'il  estoit  afflige  d'une  facon  excessive,  qu'il  a  requis  que  son  sang