33:28  ne  les  supporte,  les  voila  tous  peris.  Ainsi  donc  combien  que  ceux  qui  ont  use  du  mot  de  Perfection,  Payent  bien  entendu,  toutesfois  d'autant  qu'il  y  en  a  eu-qui  l'ont  destourne  a  un  sens  contraire  (comme  i'ay  dit)  retenons  le  mot  d'integrite.  Voici  donc  Iob,  qui  est  nomme  entier.  Comment?  c'est  pource  qu'il  n'y  a  eu  nulle  hypocrisie,  ne  fiction  en  lui,  qu'il  n'a  point  eu  le  coeur  double:  car  l'Escriture  quand  elle  veut  mettre  le  vice  repugnant  a  ceste  vertu  ici  d'integrite,  elle  dit,  Coeur  et  coeur,  c'est  a  dire,  double  coeur.  Notons  donc,  qu'en  premier  lieu  ce  titre  est  attribue  a  Iob,  pour  monstrer  qu'il  a  eu  une  affection  pure  et  simple,  qu'il  n'a  point  eu  comme  un  oeil  d'un  coste,  et  l'autre  d'autre,  qu'il  n'a  point  seulement  servi  a  Dieu  a  demi,  mais  qu'il  a  tasche  de  s'adonner  la  du  tout.  Vray  est  que*  nous  ne  pourrons  iamais  avoir  telle  integrite  que  nous  tendions  a  ce  but  la,  comme  il  seroit  a  souhaitter:  car  ceux  qui  suivent  le  droit  chemin,  encores  vont  ils  en  clochant,  ils  sont  tousiours  debiles,  qu'ils  trainent  les  iambes,  et  les  ailes.  Ainsi  donc  est-il  de  nous,  cependant  que  nous  serons  environnez  de  ce  corps  mortel  :  iusques  a  ce  que  Dieu  nous  ait  desveloppez  de  toutes  ces  miseres,  ausquelles  nous  sommes  subiets,  iamais  il  n'y  aura  en  nous  une  integrite  qui  soit  parfaite,  comme  nous  >  avons  dit.  Mais  tant  y  a  neantmoins  qu'il  nous  faut  venir  a  ceste  rondeur,  et  que  nous  renoncions  a  toute  feintise  et  mensonge.  Et  au  reste  notons  que  la  vraye  sainctete  commence  par  dedans:  quand  nous  aurions  toute  la  plus  belle  apparence  du  monde  devant  les  hommes,  que  nostre  vie  seroit  si  bien  reglee,  qu'un  chacun  nous  applaudiroit,  si  nous  n'avons  ceste  rondeur,  et  integrite  devant  Dieu,  ce  tne  sera  rien.  Car  il  faut  que  la  fonteine  soit  pure,  et  puis  que  les  ruisseaux  en  decoulent  purs:  autrement  l'eau  pourroit  bien  estre  claire,  et  si  ne  laissera  point  d'estre  amere,  ou  avoir  quelque  autre  mauvaise  corruption  en  soy.  Il  faut  donc  que  nous  commencions  tousiours  par  ce  qui  est  dit,  Que  Dieu  veut  estre  servi  en  esprit  et  en  verite  du  coeur,  ainsi  qu'il  en  est  parle  au  5.  de  Ieremie  (v.  3).  Il  faut  donc  que  nous  apprenions  en  premier  lieu  de  former  nos  coeurs  a  l'obeissance  de  Dieu.  Or  apres  que  Iob  a  este  nomme  entier,  il  est  dit,  Qu'il  estoit  droit:  ceste  droiture  ici  se  rapporte  a  la  vie  qu'il  a  menee,  qui  est  comme  les  fruicts  de  ceste  racine,  que  le  Sainct  Esprit  avoit  mis  auparavant.  Iob  donc  a-il  eu  le  coeur  droit  et  entier?  sa  vie  a  este  simple,  c'est  a  dire,  il  a  chemine,  et  vescu  avec  ses  prochains  sans  nuire  a  personne,  sans  faire  ni  iniure,  ni  moleste  a  nul,  sans  appliquer  son  estude  a  fraude,  ni  a  malice,  sans  cercher  son  profit  aux  despens  d'autruy.  Voila  donc  ce  qu'emporte  ceste  droiture,  qui  est  ici  adioustee.  Or  par  cela  nous  sommes  admonnestez  d'avoir  une  con-