32:28  20.  (An  sociabitur.)  Fiduciam  rursus  colligit  a  Dei  natura  :  quia  fieri  non  potest  ut  vel  improbis  faveat,  vel  consentiat  impiis  eorum  machinationibus.  Deo  autem  adverso  quomodo  interitum  effugerent  ?  Plus  autem  vehementiae  habet  interrogatio,  qua  docet  omnem  iniquitatem  Dei  naturae  esse  contrariam.  Solii  autem  consulto  meminit,  quia  non  accusat  vulgares  sicarios,  vel  fures,  quorum  infamia  passim  nota  sit,  sed  contra  tyrannos  invehitur  qui  fallaci  iuris  praetextu  opprimebant  ecclesiam.  Dicit  ergo,  quamvis  occupent  solium  quod  Deo  consecratum  est,  nihil  tamen  cum  ipso  commune  habere,  quatenus  solium  illud  sceleribus  suis  polluunt  ac  contaminant.  Clarius  se  exponit  altero  membro,  ubi  prorsus  a  Ded  alienos  esse  pronuntiat  qui  molestiam  fabricant  loco  iuris,  pi|"|  significat  ius  et  decretum,  vel  statutum  ordinem.  Perstringit  igitur  propheta  improbos  iudices,  qui  per  omne  oppressionum  genus  grassando  simulabant  tamen  se  tenere  rectum  officii  cursum.  Sic  enim  perfidi  iudices,  ut  possessionem  honesti  et  speciosi  tituli  retineant,  varios  colores  accersunt  ad  tegenda  suae  tyrannidis  flagitia.  Nunc  tenemus  quid  propheta  velit,  nempe  quamvis  honorificum  sit  solii  nomen,  ubi  tamen  corrumpitur  hominum  pravitate,  suo  pretio  et  honore  excidere  apud  Deum,  qui  iniquitati  suffragari  non  potest.  2  L  (Coibunt)  Quia  verbum  "|*|^  vel  -j*)^  copias  vel  manum  colligere  significat,  non  dubium  est  quin  significet  propheta  non  sibi  fieri  negotium  a  gregariis  hominibus,  sed  a  ducibus  populi  qui  rerum  potiebantur.  Exprimit  etiam  hoc  verbo,  se  et  reliquos  fideles  non  ab  uno  vel  altero  privato  homine  fuisse  iniuste  tractatos,  sed  a  publico  coetu.  Triste  quidem,  ac  etiam  turpe  exemplum  fuit,  in  legitimo  conventu  ita  regnare  improbos,  ut  collegium  iudicum  nihil  aliud  esset  quam  latronum  turba.  Nam  hoc  bis  indignum  est,  ubi  oppressi  fuerint  innoxii  homines,  simul  cum  iniuria^  probrum  sustinere.  Deinde  quid  minus  consentaneum,  quam  ut  tota  forensis  ratio  nihil  aliud  sit  quam  scelesta  conspiratio  ad  insontes  damnandos?  Sed  hoc  exemplo  nos  hodie  armari  convenit,  si  tantum  licentiae  permittat  Deus  impiis,  ut  praetextu  iuris,  in  perniciem  bonorum  et  simplicium  tribunal  conscendant.  Quamvis  ergo  tolerabile  non  sit  primo  intuitu,  insontes  ab  ipsis  iudicibus  crudeliter  vexari,  atque  etiam  gravari  ignominia:  quia  tamen  utraque  tentatione  servos  suos  olim  exercuit  Deus,  discamus  non  solum  iniustam  violentiam  aequo  animo  ferre,  sed  indignas  etiam  calumnias,  quibus  praeter  meritum  gravamur.  22.  (Atqui  fuit.)  Concludit  propheta,  quamvis  in  tantas  angustias  redactus  esset,  sibi  satis  fuisse  in  Deo  uno  praesidii:  quibus  verbis  iterum  eius  virtutem  illustrat,  quia  solus  tam  validos  conatus,