28:28  garde  de  nous.  Et  au  reste  notons  aussi,  que  si  ceux  qui  ont  hazarde  leurs  prochains  quant  au  corps,  sont  coulpables  devant  Dieu  :  ceux  qui  auront  fait  quelque  scandale  a  leurs  prochains,  tellement  qu'ils  en  seront  destournez  du  chemin  de  salut,  que  ceux-la  auront  a  rendre  conte  devant  Dieu.  Si  quelcun  a  tire  a  la  volee,  et  qu'il  ait  blesse  un  passant,  il  est  coulpable,  voire  et  merite  d'estre  puni.  Et  pourquoy?  Oar  il  faut  que  les  hommes  prennent  garde  les  uns  aux  autres.  Seray-ie  excuse  quand  ie  tireray  a  l'adventure,  et  que  ie  tueray  quelque  povre  homme  qui  ne  s'en  doute  point?  Oar  ie  doy  estre  advise  pour  luy.  Ainsi  en  est-il  du  reste.  Que  si  mon  prochain  par  ma  faute  et  negligence  tombe  en  quelque  inconvenient,  voila  une  offense  commise  contre  Dieu:  et  le  monde  cognoist  aussi  que  ce  sont  choses  punissables.  Or  ie  viendray  faire  trebuscher  mon  prochain,  non  point  pour  se  rompre  seulement  un  bras,  ou  une  iambe,  ou  mesmes  le  col:  mais  pour  tomber  en  perdition:  et  qu'est-ce  que  cela?  Car  on  voit  que  les  scandales  qui  se  font,  sont  pour  destruire  et  ruiner  les  povres  ames  qui  ont  este  rachetees  par  le  sang  de  nostre  Seigneur  Iesus  Christ.  Ceux  donc  qui  font  des  troubles  et  scandales  en  l'Eglise,  ne  sont-ils  pas  cause  que  ce  que  Dieu  avoit  commence  de  bastir,  s'en  aille  en  perdition?  N'est-ce  point  plus  que  sacrilege  que  cela?  Et  ainsi,  que  nous  regardions  a  nous  :  puis  qu'ainsi  est  que  Dieu  a  une  telle  solicitude  de  nos  personnes,  qu'un  chacun  ensuyve  son  exemple:  et  que  si  on  provoit  qu'il  n'advienne  nulle  nuisance  aux  corps,  que  nous  ayons  encores  tant  plus  de  regard  aux  ames.  Et  au  reste,  que  nous  observions  ce  qui  est  ici  dit  de  la  maison  d'un  chacun.  Car  si  un  homme  donne  mauvais  exemple  a  sa  famille,  non  seulement  il  met  le  sang  en  sa  maison,  c'est  a  dire,  non  seulement  il  pollue  la  maison  en  laquelle  il  habite:  mais  il  y  met  beaucoup  pis,  c'est  a  dire,  toute  malediction,  et  provoque  l'ire  de  Dieu.  Voila  un  homme  qui  est  contempteur  de  toute  religion,  il  ne  luy  chaut  que  Dieu  soit  deshonore  en  sa  famille:  et  mesmes  il  n'ouvrira  point  la  bouche  que  ce  ne  soit  pour  desgorger  des  blasphemes  et  toutes  diableries:  apres,  il  aura  sa  femme  qui  sera  une  paillarde,  ou  une  yvrongne,  ou  bien  une  diablesse  qui  n'aura  nulle  crainte  de  Dieu,  nulle  humanite,  nulle  modestie:  apres,  on  y  verra  d'autres  mauvais  exemples  en  une  sorte  et  en  l'autre:  quand  donc  ces  choses-la  se  font,  n'est-ce  point  polluer  sa  maison  a  son  escient?  Et  qu'est-ce  qui  en  peut  advenir?  Quand  un  homme  aura  du  bien,  qu'il  aura  son  mesnage,  et  cependant  qu'il  souille  le  lieu  qui  luy  a  este  donne,  et  auquel  il  habite,  que  tout  soit  plein  d'infection,  que  ses  enfans  soyent  mal  instruits,  que  ses  domestiques  soyent  gens  des-