27:28  et  que  tout  seroit  dissipe  en  ce  monde?  Mais  retenons  ce  poinct,  assavoir  que  les  hommes  soyent  corrigez  de  leurs  vices:  et  que  cependant  on  ob^  serve  ce  que  Dieu  commande.  Voila  donc  a  quoy  Moyse  a  pretendu,  en  disant  que  Dieu  n'avoit  point  choisi  les  Levites  pour  un  iour  tant  seulement:  mais  afin  que  cela  durast,  et  que  l'Eglise  se  maintinst  par  un  tel  moyen.  Or  nous  savons  qu'auiourd'huy  la  mort  de  nostre  Seigneur  Iesus  Christ  ne  parviendroit  point  iusques  a  nous  sans  la  predication  de  l'Evangile.  Il  faut  donc  que  si  nous  voulons  sentir  la  redemption,  et  le  salut  qui  nous  a  este  acquis,  qu'on  maintienne  cest  ordre:  et  combien  qu'il  y  ait  des  vices,  que  l'Eglise  de  Dieu  en  soit  purgee,  que  tous  scandales  en  soyent  ostez,  et  qu'on  ne  laisse  point  pour  cela  d'avoir  gens  qui  annoncent  la  parolle  de  Dieu,  et  qui  administrent  les  Sacremens:  car  autrement  ce  seroit  coupper  la  gorge  a  l'Eglise,  et  mettre  tout  en  desolation.  Oar  nous  savons  ce  que  dit  sainct  Paul,  que  Iesus  Christ  s'est  donne  pour  nostre  paix,  et  a  sa  venue  il  l'a  annoncee  a  ceux  qui  estoyent  pres,  et  a  ceux  qui  estoyent  loin.  S.  Paul  monstre  la  comment  nostre  Seigneur  Iesus  fait  valloir  la  vertu  de  sa  mort  et  passion:  c'est  quand  il  commande  que  l'Evangile  nous  soit  presche,  que  Dieu  s'estant  presente  une  fois  a  nous  en  la  personne  de  son  Fils,  veut  auiourd'huy  persister  a  nous  tenir,  et  avoir  pour  ses  enfans,  et  qu'il  ratifie  l'adoption  qu'il  a  faite,  iusques  a  ce  que  nous  venions  a  iouyr  de  l'heritage  qu'il  nous  a  promis.  Moyse  ayant  ainsi  parle,  adiouste  pour  conclusion  finale,  que  Dieu  Va  exauce,  et  qu'il  luy  a  dit:  Va  conduy  ce  peuple  en  la  terre  que  i'ay  promise  a  leurs  peres,  voire  avec  serment:  et  qu'ils  y  entrent  pour  la  posseder.  Ici  Moyse  derechef  monstre  au  peuple,  quand  il  sera  venu  en  la  terre  promise,  qu'il  cognoisse  que  ce  n'est  point  pour  ses  merites,  mais  par  une  grande  misericorde  de  Dieu,  voire  qui  le  doit  ravir  en  estonnement:  car  ils  avoyent  repousse  toutes  les  promesses  qui  leur  estoyent  faites.  Ainsi  donc  il  estoit  besoin  que  le  peuple  fust  reintegre,  et  remis  en  son  estat  par  une  grace  singuliere.  C'est  l'intention  de  Moyse,  de  laquelle  il  a  este  traitte  plus  a  plein  ci  dessus:  c'est  donc  assez  maintenant  de  la  toucher.  Mais  n'oublions  pas  de  l'appliquer  a  nostre  usage:  c'est  que  nous  sachions,  encores  que  Dieu  nous  ait  appellez  en  la  foy  de  son  Evangile,  que  nous  ne  laissons  pas  quant  a  la  vie  presente  de  nous  separer  de  luy,  tellement  que  nous  serions  dignes  qu'il  nous  fermast  la  porte,  que  nous  fussions  du  tout  comme  gens  reprouvez,  sinon  qu'il  nous  receust  a  merci:  et  non  seulement  pour  un  coup,  mais  en  tant  d'offenses  que  nous  commettons  il  faut  qu'il  redouble  envers  nous  sa  misericorde.  Ainsi  donc  devant  que  nous  parve-