26:28  que  Dieu  pouvoit  bien  du  premier  coup  ruiner  tous  ceux  qui  l'avoyent  ainsi  provoque,  qu'il  pouvoit  envoyer  un  Ange  pour  racler  tout  cela,  et  pouvoit  conserver  les  ieunes  gens  par  miracle,  tellement  qu'ils  fussent  venus  du  premier  iour  en  la  terre  :  mais  il  les  pourmeine  par  l'espace  de  40  ans.  Et  pourquoy  cela?  Afin  que  les  autres  y  prennent  exemple.  Car  Dieu  voit  bien  que  nous  profitons  mieux  en  voyant  ses  iugemens  et  corrections  avec  laps  de  temps,  que  s'il  nous  punissoit  soudain.  Il  est  vray  que  selon  nostre  phantasie,  nous  voudrions  que  Dieu  du  premier  coup  foudroyast,  et  nous  semble  que  nous  appercevrions  beaucoup  mieux  sa  vertu,  s'il  racloit  de  ce  monde  tous  ceux  qui  l'ont  offense,  et  que  nous  vissions  les  meschans  estre  du  tout  consumez.  Et  que  seroit-ce  si  du  premier  coup  il  destruisoit,  et  ostoit  du  monde  tous  ceux  qui  ne  sont  pas  dignes  d'y  vivre?  Si  ainsi  estoit,  nous  aurions  oublie  du  iour  au  lendemain  ce  qu'il  nous  auroit  monstre  devant  les  yeux.  Il  nous  semble  bien  du  contraire:  mais  Dieu  cognoist  qu'ainsi  est.  Car  il  laisse  ici  les  meschans  en  ce  monde,  ou  ils  auront  leurs  delices,  ils  feront  leurs  triomphes,  et  s'esgayeront:  et  bien,  cela  est  pour  esprouver  nostre  patience:  mais  quelque  fois  aussi  Dieu  les  laisse  languir:  qu'on  verra  qu'ils  trainent  leurs  cordeaux,  qu'ils  sont  la  comme  en  une  gehenne,  et  Dieu  nous  les  met  comme  en  spectacles,  tellement  que  nous  cognoissons  bien  que  cela  nous  est  plus  profitable  de  voir  ses  iugemens  ainsi  delayez,  quand  il  fait  languir  les  meschans,  que  s'il  leur  envoyoit  des  punitions  soudaines:  cela,  di-ie,  nous  est  mieux  imprime  en  la  memoire.  Voila  donc  comme  nous  serons  mieux  enseignez  de  longue  main  aux  iugemens  de  Dieu,  que  s'ils  se  faisoyent  soudain,  et  tout  a  un  coup.  Et  c'est  pourquoy  il  a  fallu  que  par  l'espace  de  40  ans  Dieu  consumast  ce'  peuple,  leur  monstrant  qu'ils  n'estoyent  pas  dignes  d'entrer  en  la  terre.  Car  en  ce  faisant,  les  ieunes*  gens  estoyent  incitez  a  penser:  Pourquoy  est-ce  que  du  premier  coup  Dieu  ne  nous  a  donne  la  iouissance  de  ceste  terre?  C'est  pource  que  nos  peres  ont  murmure  contre  luy.  Nous  voila  donc  privez  de  cest  heritage  des  nostre  enfance,  non  point  pour  un  iour  ne  pour  un  an:  mais  Dieu  a  voulu  que  par  longue  espace  de  temps  nous  ayons  erre  par  ce  desert,  afin  que  le  peche  de  nos  peres  nous  soit  tant  mieux  imprime  en  la  memoire,  pour  ne  les  pas  ensuyvre  en  cest  endroit.  Voila  donc  comme  les  ieunes  gens  estoyent  instruits  par  ce  moyen  de  cheminer  en  la  crainte  de  Dieu,  et  d'estre  mieux  aduisez  que  leurs  peres.  Et  ainsi,  quand  Dieu  du  premier  coup  n'executera  point  ses  iugemens  *  sur  les  meschans  pour  les  racler,  mais  que  petit  a  petit  il  les  consumera:  apprenons  de  tenir  tousiours  nos  esprits  liez,  et  comme  en  suspend.  Et  cepen-