16:28  ita  erit  commendatus  ut  nihil  simus  praetermissuri  quo  possint  ipsius  studia  adiuvari  et  mores  etiam  informari.  De  pretio  caeterisque  conditionibus  Beraldus  ipse,  ut  opinor,  ad  te  scribit.  Si  fortassis  maius  videbitur  pretium  quam  sperastis,  duo  inprimis  hic  erunt  patri  pueri  ipsius  explicanda,  nempe  triplicatum  esse  hoc  anno  apud  nos  vini  pretium  et  annonam  etiam  paulo  factam  cariorem  quam  anno  superiore:1)  deinde  hanc  esse  nostram  conditionem  ut  nihil  prorsus  ex  vectigalibus  annuis  colligamus,  2)  quemadmodum  cives  solent,  sed  omnia  praesenti  pecunia  sint  in  macello  ac  foro  redimenda.  Sed  in  summa  hoc  tibi  affirmo  nullum  hic  lucrum  a  Beraldo  captari,  sed  hoc  unum  ut  sine  suo  detrimento  puerum  honeste  alere  ac  instituere  et  vobis  omnibus  fidem  suam  approbare  possit.  Sed  de  his,  ut  opinor,  minime  dubitas  et  pro  tua  prudentia  omnia  constitues.  De  foedere  Genevensi  nos  quoque  vehementer  conficit  haec  sollicitudo.  Neque  enim  dubium  est  quin,  nisi  Dominus  providerit,  certa  inde  pernicies  illi  ecclesiae  immineat.  Hoc  iam  pridem  viderunt  et  monuerunt  omnes  boni  et  cordati  homines  qui  illic  sunt,  et  is  inprimis  in  cuius  caput  conantur  nonnulli  totam  huius  rei  invidiam  transferre,  immerito  quidem  et  valde  (ne  quid  gravius  dicam)  impudenter,  quum  nemo  unus  maiorem  adhibuerit  operam  ut  totum  hoc  dissidium  componeretur.  Utinam  igitur  Dominus  nostri  misertus  animos  principum  coniungat,  et  Satanae  consiliis  viam  obstruat.  Utinam  etiam  illustrissimo  vestro  senatui  vobisque  omnibus  egregiam  hanc  voluntatem  confirmet,  ut  vestras  hic  partes  interponatis.  Erit  enim  procul  dubio  et  piis  omnibus  gratum  hoc  vestrum  studium,  et  ecclesiae  Dei  ita  utile  ut  nihil  supra.  Itaque  nihil  necesse  est  ut  de  hac  re  pluribus  ad  te  scribam.  Sed  tamen  rogo  ut  non  prius  conquiescatis  quam  res  fuerit  impetrata,  pro  qua  non  dubito  quin  ipsi  Genevenses  brevi  sint  ad  vos  missuri.3)  De  rebus  nostris  haec  tantum  habeo  quae  scribam.  Lugduni  aiunt  esse  cautum  regis  edicto  ne  quis  ex  his  regionibus  a  quoquam  hospite  tecto  excipiatur  qui  non  prius  apud  urbis  magistratum  nomen  ediderit.  Ita  nimirum  omnibus  exsulibus  imminet  certum  exitium  si  eo  sint  profecti.  Sed  Dominus  hic  quoque  suis  prospiciet.  In  Andegavensi  ecclesia  ita  auctus  est  fidelium  numerus  ut  superioribus  diebus  tertius  minister  mittendus  fuerit.4)  2387.1)  Teste  Pierrefleur  Mem.  343  hoc  anno  un  char  de  vin  decem  scutatis  veniebat,  sequente  tribus,  annona  autem  propter  sterilitatem  a  tredecim  solidis  (sols)  ad  28  et  30  ascendit.  2)  quia  cives  non  erant  3)  De  Boseti  et  Botellerii  legatione  qui  postridie  Cal  Mart  reduces  fuerunt  vide  ad  N.  2383.  4)  Hist.  eccl.  I.  100.  Francois  le  Macon  ne  voulut  oublier  son  pays  (  Angers)  qu'il  encouragea  tellement  par  letres