15:28  Obiectio.  Deus  futura  peccata  omnia  praescit,  quae  tamen  non  decrevit  aut  voluit  fieri  nec,  ut  in  Hieremia  est,  ascenderunt  in  cor  Dei.  Falso  autem  adscribitur  Augustino  paradoxum,  ut  ipsemet  in  libro  Responsionum  ad  articulos  sibi  falso  impositos  exserit.  Assertio  ministrorum  Genevensium.  Ridiculum  est  dicere:  Deum  aliquid  permittere  nisi  quod  decrevit  fieri.  Obiectio.  Deus  pro  sua  tolerantia  dissimulat  et  fert  permulta  quae  adversus  ipsius  iussum  ac  voluntatem  fiunt:  libellum  repudii,  ingratitudinem  Israhelitarum,  neomenias  quoque,  Calendas  et  solemnitates  Hebraeorum,  denique  peccata  omnia:  non  quod  ea  velit  aut  decreverit  fieri,  sed  qua  est  longanimitate,  quod  peccatores  invitet  ac  exspectet  ad  poenitentiam,  Paulo  ac  Petro  testibus.  Assertio  ministrorum  Genevensium.  Deus  pro  suo  libito  et  nutu  hos  eligit  ab  aeterno  ad  vitam,  illos  ad  mortem  reprobat,  vitaeque  illorum  et  horum  mortis  primaria  ac  remota  causa  est  Dei  voluntas  aeterna  et  immutabile  decretum,  quanquam  peccatum  atque  contumaciam  impiorum  ipsorum  perditionis  causam  dicere  possumus,  sed  secundariam  et  propinquam.  Obiectio.  Crudum,  nec  Dei  verbo  consentaneum  esse  quod  aiunt  ministri  Genevenses.  Nam  Paulo  teste  ad  Ephes.  1  cap.,  eligimur  a  Deo  ab  aeterno  in  Christo,  per  Christum  et  propter  Christum.  Reprobantur  vero  impii  propter  incredulitatem  et  Christi  contemptionem.  Quod  idem  Paulus  ad  Romanos  docet:  electas  esse  gentes  propter  fidem,  contra  reprobatos  esse  Iudaeos  propter  incredulitatem.  Denique  salutis  electorum  causam  unicam  esse  Dei  benevolentiam  et  misericordiam,  perditionis  vero  impiorum  solam  causam  assignat  scriptura  in  propheta  Hosea:  Perditio  tua  Israhel,  tantum  ex  me  auxilium  tuum.  Porro,  spiritu  sancto  autore,  qui  non  acquiescit  puro  Dei  verbo  et  manifestis  scripturae  sententiis,  is  superbus  est  et  inscius  ete.2)  In  genere  haec  sunt  quae  dissidium  inter  ministros  Genevenses  et  me  pepererunt.  In  quibus  si  quid  a  me  perperam  intellectum  aut  dictum  con-  2)  Hic  in  exemplari  Bernensi  verba  quaedam  deleta  sunt:  Multa  addi  possent  potissimum  quod  Deo  autore  ac  impulsore  .  .  .  .