10.2:28  circumsidere  ne  quis  elaberetur,  ipse  cum  paucis  ingressus  comicum  non  reperit.  Aiunt  eum  minime  id  consilio  providisse,  sed  quum  forte  in  amici  cubiculo  esset,  tumultum  priifs  exaudisse  quam  perspici  posset,  atque  ita  latebras  quaesisse,  e  quibus  per  occasionem  effugeret.  Praetor  tamen  pueris  actoribus  manum  iniecit:  cui  dum  vult  obsistere  gymnasiareha,  inter  eorum  altercationes  lapides  a  nonnullis  pueris  coniecti  sunt.  Ille  nihilominus  eos  arripuit,  et  quod  pro  scena  recitassent,  iussit  repetere.  Omnia  excepta  sunt.  Quando  autor  sceleris  deprehendi  non  potueraf,  proximum  erat  de  iis  inquirere  ,  qui  quum  prohibere  possent  permisissent,  *  et  tamdiu  etiam  dissimulassent.  Alter  qui  et  autoritate  praecellit,  et  nomine  (est  enim  magnus  magister  Loretus)6)  impetravit  ut  haberet  pro  carcere  honestiorem  custodiam  domum  cuiusdam  (ut  vocant)  commissarii:  alter  Morinus,  ab  illo  secundus,  iussus  se  domi  continere  dum  inquirere  tur.  Nunc  quid  compertum  sit,  nescio:  est  tamen  evocatus  ad  tres  breves  dies,  ut  nunc  loquuntur.  Hactenus  de  comoedis.7)  Alterum  facinus  ediderunt  factiosi  quidam  theologi  aeque  malignum,  etsi  non  usque  adeo  audax.  Quum  excuterent  officinas  bibliopolarum,  libellum  vernaculum,  caius  inscriptio  Speculum  animae  peccatricis,  retulerunt  in  numerum  librorum  a  quorum  lectione  interdictum  vellent.  Regina  ubi  rescivit,  questa  est  apud  fratrem  regem,  professa  se  autorem.  Ille  per  literas  magistris  Academiae  Parisiensis  imperavit  sibi  testarentur,8)  an  librum  recensuissent  in  numero  eorum  quos  iudicassent  improbatae  religionis.  Quod  si  ita  haberet,  sibi  rationem  sui  iudicii  redderent.9)  De  ea  re  Nicolaus  Copus  medicus,  nunc  rector,  retulit  ad  quatuor  artium  collegia,  medicinae,  philosophiae,  theologiae,  iuris  canonici.  Apud  magistros  artium  inter  quos  locum  dicendi  primum  habuit,  longa  et  acerba  oratione  invectus  est  in  eorum  temeritatem,  qui  sibi  id  iuris  in  maiestatem  reginae  usurpassent.  Dissuasit  ne  se  immiscerent  tanto  discrimini,  ne  regis  iram  experiri  vellent,  ne  in  reginam  virtutum  omnium  et  bonarum  literarum  matrem  arma  sumerent:  postremo  ne  hanc  culpam  in  se  recipientes  improbitatem  eorum  alerent,  qui  parati  sunt  quidvis  semper  aggredi  sub  praetextu  huius  nominis,  ut  dicant  academiam  fecisse,  quod  ipsi  iniussu  academiae  perpetrant.  Omnium  sententia  fuit,  factum  abiurandum.  Idem  censuerunt  theologi,  canonici,  6)  Lauretus  edd.  De  eo  et  Morino  v.  Herm.  IL  94  et  108.  7)  comoediis  edd.  8)  Ste  in  autographo  scriptum  fuisse  videtur,  et  edd.  quoque  consentiunt.  Utrumque  apographon  habet:  starent  et  141  %n  mar  g.  constarent.  Hermj.  habet:  significarent.  9)  Hoc  d.  24.  Oct.  factum  esse  docet  Bulaeus  hist.  Univ.  Paris  VI.  238.