1:28  [CO  1.  28]  ut  perpetuo  in  eo  victurus  fuerit,  si  in  hac  integritate  naturae,  quam  a  Deo  acceperat,  stetisset.  Verum  ubi  in  peccatum  lapsus [p. 44]  est  (G-en.  3),  haec  imago  et  similitudo  Dei  inducta  et  obliterata  est,  hoc  est,  omnia  divinae  gratiae  bona  perdidit,  quibus  in  viam  vitae  deduci  poterat.  Praeterea  longe  a  Deo  divisus  est,  et  prorsus  alienus  factus.  Unde  consectarium  est,  omni  sapientia,  iustitia,  virtute,  vita  exutum  et  spoliatum,  quas  nisi  in  Deo  haberi  non  posse,  iam  ante  dictum  est.  Quare  nihil  illi  reliquum  fuit  nisi  ignorantia,  iniquitas,  impotentia,  mors,  et  iudicium  (Rom.  5)  :  hi  nempe  sunt  fructus  peccati.  Quae  calamitas  non  in  ipsum  tantum  cecidit,  sed  in  nos  quoque  defluxit,  qui  semen  eius  sumus  ac  posteritas.  Ergo,  quicunque  ex  Adam  nascimur,  omnes  Dei  ignorantes  sumus  et  expertes,  perversi,  corrupti,  omnisque  boni  inopes.  Cor  vero  praesertim  in  omne  malum  proclive,  pravisque  cupiditatibus  refertum,  hisque  addictum  et  adversus  Deum  contumax  (Ier.  17).  Quod  si  quidpiam  boni  interdum  in  speciem  ostentamus,  interior  tamen  ille  animi  affectus  in  suis  sordibus  ac  obliqua  perversitate  manet.  Quod  ipsum  primum,  vel  potius  pro  omnibus  est  in  iudicio  Dei,  qui  non  secundum  faciem  iudicat,  nec  magni  externum  splendorem  aestimat,  sed  cordis  secreta  intuetur  (1  Sam.  16.  Ier.  17).  Itaque  quantumvis  splendidam  sanctimoniae  faciem  ex  se  habeat  homo,  non  aliud  est  quam  hypocrisis [p. 45]  et  coram  Deo  etiam  abominatio,  cum  animi  cogitationes  pravae  semper  et  corruptae  subsint.  Quanquam  etiam  sic  nati  sumus,  ut  non  sit  in  nobis  situm  quidquam  agere  quod  Deo  acceptum  esse  possit,  nec  sit  in  nostra  virtute  positum  illi  gratificari,  non  tamen  desinimus  id  ipsum  debere  quod  praestare  non  possumus,  quando  enim  Dei  creaturae  sumus,  eius  honori  et  gloriae  servire  debebamus,  ac  eius  mandatis  morem  gerere.  Nec  praetendere  excusationem  licet,  quod  facultas  desit  et  velut  exhausti