8:279  279  DE  AETERNA  DEI  280  ipsam  dederat  possidendam  ut  eos  in  populum  sibi  peculiarem  colligeret,  et  sanctuarium,  O  praesentis  suae  gratiae  testimonium  illic  [pag.  50]  erexerat,  fines  istos  non  immerito  reputat  propheta.  Denique  terram  Canaan  pro  sacro  Dei  domicilio  habet,  cuius  habitatione  quum  privatus  foret  Esau,  odio  habitum  colligit:  quoniam  a  sancta  electaque  familia  abdicatus  erat,  in  qua  perpetuus  residet  Dei  amor.  Nobis  quoque  intuenda  est  illa  terrae  qualitas  quam  illi  Deus  indiderat,  ut  pacti  spiritualis,  cum  Abrahae  semine  initi,  arra  quaedam  esset  vel  pignus.  Non  abs  re  ergo  Paulus  gratuitam  electionem  in  Iacob  ratam  fuisse  commemorat  (Rom.  9,  12),  quia  nondum  natus,  reiecto  fratre,  ad  potiendam  haereditatem  destinatur.  Sed  Paulus  ultra  etiamnum  pergit:  dignitatem  hanc  non  operibus  fuisse  partam,  neque  operum  respectu  collatam  ipsi  Iacob.  Neque  id  modo:  sed  Dei  providentia  sic  discretos  fratres,  antequam  boni  quidquam  vel  mali  egissent.  Itaque,  non  ex  operibus,  sed  ex  vocante  profectum  fuisse  discrimen  constituit.  Hic  a  Pighio  nobis  rancida  illa  distinctio  obtiuditur:  Non  veniske  quidem  anteacta  opera  in  rationem,  quae  nulla  erant,  sed  firmam  Dei  electionem  fuisse  in  Iacob,  cuius  fidem  et  obedientiam  Deus  praevidebat.  Et  argute2)  scilicet  in  nomine  Israel  philosophatur,  quod  a  Deo  videndo  sit  cognominatus:  ut  sciamus  veros  demum  esse  Israelitas,  qui  se  propria  malitia  non  excaecant,  sed  ad  Deum,  ubi  illis  apparet,  conspiciendum  aperiunt  [pag.  51]  oculos.  Atqui,  ridiculum  est,  quod  dum  alios  studet  facere  tam  perspicaces,  talpa  ipse  caecior  est.  Diversa  enim  prorsus  etymologia  a  Moyse  exprimitur:  quod  cum  angelo  Dei  congressus  superior  in  certamine  fuisset.  Israel  enim,  Deo  potentem,  vel  dominantem  Deo  sonat.  Sed  quibus,  obsecro,  ita  poterit  oculos  configere  vel  eruere,  ut  eius  ineptias  non  animadvertant?  Boni  quidquam  vel  mali  ipsos  fecisse,  quorsum  negat  Paulus,  nisi  ut  omnem  meriti  respectum  tollat?  imo  nisi  ut  piaecise  affirmet,  Deum  non  aliunde  suspensas  habuisse  rationes,  quum  tam  diversum  de  gemellis  fratribus  iudicium  tulit?  Scio  quam  tritum  fuerit  effugium  istud:  scire  tamen  primum  velim,  si  communi  naturae  relicti  forent  Esau  et  Iacob,  quid  bonorum  operum  in  secundo  magis  quam  in  priore  Deus  reperisset.  Peraeque  sane  ambo  lapidei  cordis  duritia  oblatam  salutem  repulissent.  Ideo  ambobus,  inquit  Pighius,  flexibile  cor  datum  est,  ut  gratiam  possent  amplecti:  sed  alter  libero  arbitrio  quod  poterat  voluit,  alter  recusavit.  Quasi  non  velle  etiam  dari  Paulus  testetur:  quasi  1)  le  temple  et  l'arche  de  l'alliance.  2)  Et  argute  Deo  sonat.  Haec  omma  absunt  a  galhco  exemplari.