6:279  RJESPONSIO  CONTRA  PIGHIUM  siasticos,  excepto  Augustino,  ita  ambigue,  aut  varie  in  hac  re  loquutos  dixerim,  ut  certum  quidpiam  ex  eorum  scriptis  haberi  nequeat.  Sed  primo  quae  vis  et  notio  sit  vocabuli  definit  Arbitrium  aut  pro  electione,  aut  convenientius  pro  voluntate  ipsa  accipi  vult:  liberum  autem  vocari  interpretatur,  quod  sui  iuris  est,  aut  sui  ipsius  habet  potestatem:  nempe  ita  faciendi  quidquid  facit,  ut  non  necessario  faciat,  sed  possit  non  facere.  Ego  vero,  quantum  ad  vocem  pertinet,  adhuc  profiteor,  quod  in  mea  Institutione  testatus  sum,  non  adeo  me  superstitiosum  esse  in  verbis,  ut  eius  causa  velim  contentionem  aliquam  movere:  modo  rei  intelligentia  sana  maneat.  Si  coactioni  opponitur  libertas,  libeium  esse  arbitrium,  et  fateor,  et  constanter  assevero:  ac  pro  haeretico  habeo,  quisquis  secus  sentiat.  Si  hoc,  inquam,  sensu  liberum  vocetur,  quia  non  cogatur,  aut  violenter  trahatur  externo  motu,  sed  sponte  agatur  sua,  nihil  moror.  Sed  quum  aliud  prorsus  vulgo  concipiant,  dum  hoc  epitheton  hominis  voluntati  attributum  vel  audiunt  vel  legunt,  haec  causa  est  cur  mihi  displiceat.  Si  quidem  ad  facultatem  [pag.  65]  viresque  referunt,  nec  impedire  possis,  quin  simul  ac  libera  fuerit  voluntas  dicta,  haec  pluribus  imaginatio  protinus  in  mentem  veniat:  habere  igitur  sub  potestate  sua  bonum  et  malum,  ut  alterutrum  eligere  suapte  virtute  queat.  Non  igitur  unius  voculaa  causa  frustra  litigo:  sed  causam  mihi  iustam  habere  videor,  cur  voculam  optem  sublatam  e  medio,  ad  quam  maior  prope  mundi  pars  tanto  periculo  impingit.  Quanquam  ne  cum  scripturae  quidem  usu  videtur  admodum  bene  convenire.  Libertas  enim  et  servitus  inter  se  pugnant:  ut  qui  alterum  dixerit,  alterum  neget.  Proinde,  si  serva  est  hominis  voluntas,  libera  simul,  nisi  improprie,  dici  non  potest.  Nunc  audiamus,  quid  spiritus  sanctus  pronunciet.  Contentus  autem  ero  uno  loco:  quia  non  de  re  ipsa,  sed  de  solo  nomine  quaestio  est.  Quum  sanctorum  conditionem  describit  Paulus,  constringi  captivos  sub  peccati  vinculis  testatur,  qua  parte  nondum  per  spiritum  Dei  sunt  liberati  (Rom.  7,  23).  Et  quum  de  hominis  natura  loquitur,  dicit  eum  venditum  esse  sub  peccato  (Rom.  7,  14).  Si  servi  sunt  ex  ea  parte  sancti,  qua  sibi  naturaeque  suae  adhuc  relinquuntur,  quid  de  hominibus  dicendum  erit,  in  quibus  sola  viget  ac  regnat  natura?  Si  post  regenerationem  non  nisi  dimidia  est  libertas,  quid  in  prima  carnis  generatione,  nisi  plena  servitus?  Quod  etiam  ipsum  antea  dixerat  Paulus.  Agit  enim  sexto  capite  gratias  Deo,  quod  a  peccato  liberati  fuerint  Romani,  cui  ante  serviebant  (Rom.  6,  17).  Videmus,  uirante  regenerationem  non  carnis  reliquias,  sed  totum  hominem  addicat  servituti.  Qui  ergo  liberum  asserit  arbitrium,  alio  idiomate  quam  spiritus  sanctus  utitur.  Et  tamen  inter  doctos  si  de  significatione  conveniat,  patior  ut  e^m  vo*  c