55:279  279  EPIST.  PETRI  I  280  piorum  consolatio,  quod  cum  Christo  communicant:  idque  in  eum  finem,  ut  aliquando  gloriae  sint  consortes.  Semper  enim  considerandus  est  transitus  ille  a  cruce  ad  resurrectionem.  Sed  quia  hic  mundus  labyrintho  similis  est,  in  quo  nullus  malorum  exitus  iis  apparet,  Petrus  futuram  gloriae  Christi  revelationem  commemorat:  ac  si  diceret,  non  ideo  spernendam  esse,  quia  sit  nunc  abscondita  :  sed  exspectandum  esse  revelationis  diem.  Duplex  autem  gaudium  ponit,  alterum,  quo  iam  fruimur  in  spe:  alterum,  cuius  plenam  fruitionem  nobis  adferet  Christi  adventus.  Quia  prius  illud  cum  dolore  et  tristitia  mistum  est,  secundum  cum  exultatione  coniungit.  Neque  enim  gaudium  in  mediis  afflictionibus  imaginari  convenit,  quod  nos  omnis  molestiae  expertes  reddat:  sed  malorum  sensum  temperant  Dei  consolationes,  ut  simul  tamen  gaudeamus.  14.  Si  probris  afficimini.  Probrorum  meminit,  quoniam  plus  saepe  acerbitatis  in  se  habent  quam  bonorum  iactura,  vel  etiam  tormenta  et  cruciatus  corporis.  Itaque  nihil  est  quod  ingenuos  animos  magis  frangant.  Videmus  enim  multos  ad  ferendam  inopiam  fortes,  animosos  in  tormentis,  imo  ad  mortem  quoque  oppetendam  intrepidos,  ignominiae  succumbere.  Huic  malo  ut  occurrat  Petrus,  beatos  iuxta  Christi  sententiam  pronuntiat,  qui  probris  afficiuntur  ob  evangelium.  Quod  a  communi  hominum  sensu  abhorret.  Sed  causam  reddit:  quia  spiritus  Dei,  qui  idem  est  gloriae  spiritus,  super  eos  quiescit.  Quidam  disiunctim  legunt,  id  quod  g  l  o  r  i  a  e  est:  ac  si  dictum  esset,  gloria  et  spiritus  Dei.  Sed  illa  prior  lectio  ad  sensum  aptior  est,  et  quoad  linguae  proprietatem,  simplicior.  Ostendit  ergo  Petrus  hoc  nihil  obesse  piorum  felicitati,  si  quid  ignominiae  propter  Christi  nomen  sustineant:  quia  integram  nihilominus  gloriae  possessionem  retinent  coram  Deo,  dum  in  illis  habitat  spiritus,  qui  gloriam  secum  perpetuo  coniunctam  habet.  Ita  quod  carni  videtur  paradoxum,  spiritus  Dei  certo  sensu  in  eorum  animis  comprobat.  Secundum  ipsos  quidem.  Proximae  sententiae  confirmatio.  Significat  enim  debere  hoc  piis  sufficere,  quod  spiritus  Dei  illis  testatur,  beata  et  plena  gloriae  esse  probra  quae  Evangelii  causa  sustinent:  utcunque  reprobi  longe  aliud  moliantur.  Ac  si  diceret,  Potestis  secure  impiorum  contemnere  proterviam,  quia  intus  fixum  manet  apud  vos  gloriae  testimonium,  quod  vobis  reddit  Dei  spiritus.  Dicit  autem  s  p  i  r  i  t  um  Dei  probris  affici,  quia  ludibrio  habent  infideles  quidquid  nobis  ad  consolationem  suggerit  ac  dictat.  Atque  hoc  xaxa  Tzpolrityiv:  nam  utcunque  mundus  pro  sua  caecitate  nihil  m  probris  Christi  nisi  probrosum  cernat,  non  vult  piorum  oculos  falsa  hac  opinione  perstringi:  quia  potius  in  Deum  respicere  debeant.  Ita  non  dissimulat  quid  vulgo  sentiant  homines:  sed  arcanum  fidei  sensum,