52:279  279  EPIST.  PAULI  AD  TIMOTHEUM  I.  280  temperantia  cuius  paulo  ante  meminerat,  de  vestitu  loquens:  sed  nunc  eam  latius  ad  alias  vitae  partes  extendit.  CAPUT  UL  1.  Certus  sermo,  si  quis  episcopatum  appetit,  praeclarum  opus  desiderat.  2.  Oportet  ergo  episcopum  irreprehensibilem  esse,  unius  uxoris  maritum,  sobrium,  temperantem,  compositum,  hospitalem,  aptum  ad  docendum,  3.  non  vinolentum,  non  percussorem,  non  turpiter  lucri  cupidum,  sed  aequum,  alienum  a  pugnis,  alienum  ab  avaritia,  4.  qui  domui  suae  bene  praesit,  qui  filios  habeat  in  subiectione,  cum  omni  reverentia.  5.  Quodsi  quis  propriae  domui  praeesse  non  novit,  ecclesiam  Dei  quomodo  curabit?  6.  Non  novitium,  ne  inflatus  in  condemnationem  incidat  diaboli.  7.  Oportet  autem  Ulum  et  bonum  testimonium  habere  ab  extraneis:  ne  in  probrum  incidat  et  laqueum  diaboli.  1.  Certus  sermo.  Quod  Chrysostomus  clausulam  esse  putat  superioris  doctrinae,  mihi  non  placet.  Solet  enim  Paulus  hanc  formulam  praefando  magis  usurpare.  Deinde  non  erat  illic  tantae  affirmationis  usus:  quod  autem  nunc  dicturus  est,  plus  habet  aliquanto  ponderis.  Sit  igitur  praefatio  ad  notandam  rei  gravitatem  habita,  quia  iam  Paulus  novum  sermonem  ingreditur  de  pastoribus  creandis,  et  ordinando  ecclesiae  regimine.  Si  quis  episcopatum.  Quoniam  mulieribus  interdixerat  officium  docendi,  sumpta  inde  occasione,  nunc  de  episcopatu  ipso  disserit.  Primo,  quo  melius  appareat  quam  non  sine  causa  mulieres  admittere  noluerit  ad  tam  arduum  munus  exercendum  :  deinde  ne  solas  mulieres  arcendo,  viros  omnes  promiscue  admittere  videatur:  tertio,  quia  expediebat,  Timotheum  et  alios  admoneri  quanta  in  eligendis  episcopis  religio  servanda  esset.  Talis  ergo  est  contextus,  mea  sententia,  ac  si  diceret  Paulus,  adeo  non  esse  idoneas  mulieres  obeundae  tantae  functioni,  ut  ne  viris  quidem  ipsis  indiscriminatim  patefieri  aditum  oporteat.  Proinde  admonet,  non  vulgare  esse  opus,  ut  sibi  quilibet  permittat  id  suscipere.  Nam  quum  dicit  xaXov,  non  dubito  quin  ad  vetus  proverbium  alludat,  quod  saepius  a  Platone  repetitur,  SooxoXa  xa  xaXa.  Quo  Graeci  significant,  quae  pulchra  sunt,  eadem  ardua  et  difficilia  esse:  atque  ita  difficultatem  cum  excellentia  coniungit.  Imo  sic  argumentatur,  non  esse  cuiusvis  episcopatu  fungi,  quia  res  sit  eximia.  Iam  puto  sensum  Pauli  esse  satis  perspicuum:  quem  tamen  nemo  interpretum  assequutus  est,  quod  videam.  Summa  est,  habendum  esse  in  recipiendis  episcopis  delectum,  quia  munus  sit  laboriosum  ac  difficile:  ac  diligenter,  qui