51:279  279  SERMON  III  280  nous  voyons  assez  ce  qui  est  ici  dit,  qu'il  faut  que  les  hommes  soyent  abolis  du  tout,  a  fin  que  Dieu  ait  son  droict,  et  qu'on  ne  face  nul  partage  avec  lay  :  mais  qu'on  confesse  qu'il  est  le  commencement  et  la  perfection  de  nostre  salut.  Nous  devons  aussi  bien  noter  ce  que  sainct  Paul  adiouste,  que  par  sa  grace  il  nous  a  eus  agreabies  m  son  Uen-aime.  Par  cela  il  nous  dechiffre  beaucoup  mieux  pourquoy  nostre  salut  est  fonde  sur  la  pure  election  de  Dieu  et  sur  sa  bonte  gratuite.  Car  iamais  les  hommes  ne  quittent  ceste  folle  outrecuidance  s'ils  n'ont  este  convaincus,  et  qu'ils  n'ayent  plus  aucune  replique.  Sainct  Paul  donc  pour  nous  amener  a  telle  raison,  nous  declare  que  nous  sommes  damnez  et  perdus  en  nous-mesmes.  Or  quand  une  telle  foudre  tombe  sur  nos  testes,  il  n'est  plus  question  de  nous  rebequer.  Si  donc  les  hommes  sont  si  fols  que  tousiours  par  circuits  ils  veulent  cercher  ie  ne  scay  quoy  qui  leur  appartienne  et  qui  leur  soit  reserve  avec  la  pure  grace  de  Dieu,  il  ne  faut  que  ce  mot  pour  les  en  divertir:  c'est  que  nous  n'avons  pas  este  agreables  a  Dieu,  iusques  a  ce  que  nous  le  soyons  en  Iesus  Christ,  d'autant  qu'en  nos  personnes  nous  sommes  du  tout  damnez  et  maudits.  Desia  cela  avoit  este  assez  declare,  sinon  que  nous  fussions  si  tardifs  a  comprendre  une  chose  qui  nous  est  tant  necessaire,  et  qui  nous  doit  estre  si  liquide.  Et  a  la  verite,  l'experience  nous  devroit  enseigner  en  cest  endroit.  Et  de  faict,  si  l'hypocrisie  ne  nous  aveugloit  par  trop,  nous  sentirions  bien  qu'il  n'y  a  qu'iniquite  en  nous,  l'ire  de  Dieu  nous  saisir  oit  comme  de  frayeur,  que  nous  serions  la  confus:  mais  il  faut  que  Dieu  nous  contraigne  par  force  de  nous  renger,  ou  autrement  nous  ne  luy  pouvons  pas  quitter  toute  louange.  Notons  bien  donc  qu'emporte  ce  mot,  quand  il  est  dit  que  nous  avons  este  agreables  en  Iesus  Christ,  d'autant  qu'il  est  le  bien-aiine.  Or  pourquoy  est-ce  que  Iesus  Christ  est  appele  le  bien-aime  de  Dieu,  comme  il  en  est  parle  au  dixseptieme  chapitre  de  sainct  Matt.  et  en  d'autres  passages,  et  qu'il  est  aussi  declare  tel  par  le  Prophete  Isaie?  Par  cela  il  nous  est  monstre  que  Dieu  a  bon  droict  nous  hait  et  nous  tient  comme  abominables,  cependant  que  nous  demeurons  en  nostre  estat  naturel.  Car  si  ce  titre  n'estoit  propre  a  Iesus  Christ,  cela  seroit  dit  en  vain,  Voici  mon  Fils  bien-aime,  auquel  i'ay  prins  mon  bon  plaisir.  S'il  est  propre  a  Iesus  Christ,  il  ne  peut  pas  estre  commun  a.  nulle  creature:  mesmes  combien  que  Dieu  aime  ses  Anges,  si  est-ce  qu'ils  ne  peuvent  pas  estre  aimez  de  luy  en  perfection,  que  par  le  moyen  de  Iesus  Christ.  Mais  de  nous  il  y  a  bien  un  autre  esgard.  Car  (comme  i'ay  desia  dit)  nous  sommes  hays,  et  Iesus  Christ  est  mediateur  pour  accorder  les  Anges  avec  Dieu,  Toire  d'autant  qu'il  n'y  auroit  nulle  fermete  ni  con-