50:279  279  SERMONS  280  qu'il  faut  qu'elle  s'arreste  du  tout  a  Dieu  et  a  sa  verite.  Puis  qu'ainsi  est,  quand  un  homme  veut  estre  escoute,  il  ne  faut  point  qu'on  allegue  qu'il  est  subtil  et  de  grand  scavoir,  qu'il  a  veu  et  ouy  et  prattique  beaucoup:  toutes  ces  choses  la  ne  seront  que  fumee  quand  il  sera  question  que  nous  soyons  menez  iusques  au  Royaume  de  Paradis.  Car  la  il  n'est  point  question  de  sens  profond  et  de  haut  scavoir  et  exquis  :  tout  cela  n'est  qu'astuce  de  Satan.  Et  puis  nous  scavons  ce  qui  est  prononce  en  general  de  toute  la  sagesse  humaine,  que  ce  n'est  que  pure  folie,  et  mesmes  que  Dieu  s'en  mocque  et  qu'il  l'a  en  abomination,  pour  ce  qu'elle  nous  destourne  de  son  obeissance.  Il  faut  donc  que  tout  ce  qui  est  des  hommes  et  des  creatures  soit  mis  bas,  quand  il  est  question  que  nous  soyons  enseignez,  qu'il  y  a  un  regime  en  l'Eglise  bien  reigle,  et  que  Dieu  approuve.  Car  si  les  hommes  s'avancent  en  cest  endroit,  voila  Dieu  qui  est  recule  d'autant:  et  puis  il  n'y  aura  en  la  fin  que  toute  confusion.  D'autant  plus  donc  nous  faut-il  plus  observer  ce  que  sainct  Paul  nous  monstre  ici,  quand  il  n'amene  et  ne  produit  rien  de  soy  pour  estre  authorise,  mais  qu'il  se  tient  du  tout  a  la  vocation  de  Dieu:  voila  pour  un  item.  Or  cependant  nous  avons  a  noter  que  sainct  Paul  ne  s'est  point  vante  a  l'aventure,  comme  font  beaucoup  d'estourdis.  Car  il  ne  tiendra  pas  a  eux  qu'ils  ne  preschent  a  pleine  bouche  que  Dieu  les  a  envoyez:  et  cependant  ne  sont  que  fantastiques,  voire  supposts  de  Satan,  qui  sont  pour  ruiner  tout.  Or  cependant  sainct  Paul  en  protestant  de  sa  vocation,  a  voulu  aussi  monstrer  de  quoy,  comme  nous  avons  veu  ci  dessus.  Et  c'estoit  une  chose  assez  cognue  qu'il  avoit  este  converti  miraculeusement  a  l'Evangile,  qu'il  avoit  este  enseigne  soudain,  que  Dieu  avoit  besongne  d'une  facon  estrange  et  non  accoustumee  par  son  moyen,  qu'il  y  avoit  eu  revelation  expresse  faite  non  seulement  a  deux  ou  trois  hommes  en  la  ville  d'Antioche,  que  sainct  Paul  estoit  establi  Apostre  pour  les  Payens,  mais  par  tout  ou  il  venoit,  il  y  avoit  aussi  bonne  signature  d'autant  que  Dieu  desployoit  ses  vertus  toutes  manifestes  en  luy.  Ainsi  donc  quand  sainct  Paul  a  declare  qu'il  estoit  Apostre,  il  presuppose  que  desia  il  est  assez  verifie  que  Dieu  estoit  autheur  de  cest  office-la,  et  que  ce  n'estoit  point  a  fausses  enseignes  qu'il  le  pretendoit:  comme  nous  voyons  que  les  hommes  sont  par  trop  subiets  a  se  faire  valoir.  Ainsi  donc  nous  avons  a  discerner  entre  sainct  Paul  et  tous  ceux  qui  se  vantoyent  faussement,  et  se  glorifioyent  d'estre  envoyez  de  Dieu.  Comme  auiourd'huy  le  Pape  pour  tromper  le  poure  monde,  et  pour  se  maintenir  en  ceste  tyrannie  infernale  qu'il  a  usurpee,  dira  tant  et  plus  qu'il  est  vicaire  de  Iesus  Christ,  successeur  des  Apostres:  et  toute