49:279  279  EPIST.  PAULI  AD  ROMANOS  280  quod  successor  substituitur  in  eius  locum,  qui  ecclesiam  aedificavit.  Sunt  ergo  apostoli  veluti  fundatores  ecclesiae:  pastores,  qui  illis  succedunt,  tueri  debent  atque  etiam  amplificare  quod  ab  illis  excitatum  est  aedificium.  Alienum  fundamentum  vocat,  alterius  manu  iactum.  Alioqui  Christus  unicus  est  lapis  quo  ecclesia  fundatur  (1.  Corinth,  3,  l  l  et  Ephes.  2,  20).  21.  Sed  quemadmodum  scriptum.  Confirmat  vaticinio  Iesaiae  id  quod  dixerat  de  signo  sui  apostolatus.  Nam  ille  capite  52,  10,  quum  de  regno  Messiae  loquitur,  inter  caetera  praedicit,  oportere  in  universum  orbem  dilatari:  Christi  ipsius  notitiam  ad  gentes,  quibus  antea  inauditum  fuerat  eius  nomen,  perferri  oportere.  Id  per  apostolos  fieri  convenit,  quibus  specialiter  datum  est  id  mandatum:  ergo  apostolatus  Pauli  ex  eo  fit  manifestus,  quod  haec  prophetia  in  ipso  adimpletur.  Perperam  hoc  ad  munus  pastorale  trahere  quispiam  contendet,  quia  scimus  in  ecclesiis  rite  compositis,  ubi  pridem  recepta  fuit  evangelii  veritas.  Christi  nomen  assidue  esse  praedicandum.  Hac  ergo  lege  Paulus  apud  exteros  Christi  adhuc  incogniti  praeco  fuit,  ut  post  eius"  discessum  in  singulis  locis  eadem  doctrina  quotidie  in  ore  pastorum  resonaret.  Certum  enim  est  prophetam  de  regni  Christi  primordiis  disserere.  22.  Itaque  impeditus  etiam  saepius  fui  quominus  venirem  ad  vos.  23.  Nunc  vero  nullum  amplius  locum  habens  in  his  regionibus,  desiderium  autem  habens  a  multis  annis  veniendi  ad  vos,  24.  si  quando  in  Hispaniam  proficiscar,  veniam  ad  vos.  Spero  enim  fore  ut  istae  iter  faciens  videam  vos,  et  illuc  a  vobis  deducar:  si  tamen  prius  ex  parte  vestra  consuetudine  fuero  expletus.  22.  Itaque,  ete.  Quod  de  apostolatu  suo  dixerat,  nunc  etiam  alio  trahit:  ut  excuset  quod  nunquam  ad  ipsos  accessisset,  quum  illis  non  minus  quam  aliis  fuisset  destinatus.  Obiter  ergo  indicat,  ab  Iudaea  in  Illyricum  usque,  evangelium  seminando,  se  quendam  veluti  cursum  a  Domino  iniunctum  confecisse:  quo  peracto  non  negligere  ipsos  statuerit.  Ac  ne  interea  quoque  neglectos  se  putarent,  eam  suspicionem  tollit,  quum  testatur  desiderium  sibi  iam  pridem  non  defuisse.  Quod  ergo  citius  non  fecerat,  id  factum  erat  iusto  impedimento:  nunc  ubi  primum  per  vocationem  licet,  spem  illis  facit.  Ex  hoc  autem  loco  infirmum  argumentum  ducitur  profectionis  Hispanicae.  Neque  enim  protinus  sequitur,  ipsum  fuisse  perfunctum,  quia  sic  animo  concepisset.  De  spe  enim  tantum  loquitur,  qua  frustrari,  quemadmodum  alii  fideles,  nonnunquam  potuit.  24.  Spero  enim  fore.  Causam  attingit  cur  ad  eos  venire  diu  optaverit  et  nunc  instituat:  nempe  ut  ipsos  videat,  id  est,  ipsorum  conspectu  sermone-