41:279  279  PRAELECTIONES  280  suam  cum  exercitu  locavit.  Periclitatus  est  illic  Caesar,  devicto  Pompeio,  deinde  Antonius  bellum  Augusto  intulit,  adiutus  auxiliis  Cleopatrae:  et  tunc  Aegyptus  vires  suas  nimium  extulit:  et  hinc  factum  est,  ut  redacta  statim  fuerit  in  provinciam.  Non  fuit  autem  propositum  angelo,  notare  continuam  temporum  seriem,  sed  tantum  breviter  fideles  monere,  ut  starent  firmi  inter  gravissimas  concussiones  quae  instabant.  Quidquid  sit,  non  dubium  est  quin  angelus  significet  bellum  difficile  Romanis  fore  contra  Aegyptios.  Dixi  quod  etiam  historiae  testantur,  nunquam  Aegyptios  propriis  auspiciis  bellum  cum  Romanis  gessisse:  tamen  sic  interdum  res  confusae  fuerunt,  ut  Aegyptii  conspiraverint  cum  Syris:  et  ita  coniunctim  haec  duo  legenda  essent,  nempe  regem  austri  adiutum  auxiliis  regis  Syriae  bellum  cum  Romanis  gesturum.  Quanquam  admonet  angelus  maiores  fore  copias  ac  vires  regis  Syriae,  quam  Aegypti,  quod  accidit  praecipue  sub  initium  triumviratus.  Dicit  enim  regem  aquilonis  venturum  cum  curribus,  et  equitibus,  et  navibus  multis.  Neque  etiam  hic  tempus  aliquod  digito  monstrare  necesse  est,  quum  plura  bella  in  Oriente  gesserint  Romani,  ex  quo  Asiam  occuparunt,  et  pars  Lybiae  iam  illis  contigerat  ex  regis  testamento  absque  manu  et  armis.  Quantum  attinet  ad  duo  regna,  quorum  iam  saepius  facta  fuit  mentio,  in  Syria  intra  exiguum  tempus  multi  dominati  sunt.  Nam  nunc  mater  unum  ex  filiis  sustulit,  et  alterum  creavit  regem,  deinde  eius  pertaesa  regnum  transtulit  ad  alienos.  Sic  factum  est  ut  Alexander  ille  obrepserit,  qui  tamen  peperit  sibi  magnum  nomen.  Erat  ignobilis,  pater  eius  fuit  incognitus.  Certum  tamen  est  natum  fuisse  ex  domo  obscura:  uno  momento  quum  neque  autoritate,  neque  auxilio  polleret,  factus  fuit  rex  Syriae,  quia  mentitus  est  se  fuisse  spurium  Seleuci,  et  statim  occisus  ille  fuit:  qui  successit  in  eius  locum  postea  non  diu  regnavit.  Sic  factum  est  ut  Syria  transierit  ad  Romanos  post  mortem  Seleuci.  Tigranes  fuit  accitus,  rex  scilicet  Armeniae,  et  ita  dominatus  est  in  Syria,  donec  eum  devicit  Lucullus:  tunc  Syria  in  provinciam  redacta  fuit.  In  Aegypto  regnarunt  foedissimi  homines.  Nam  Physcon,  qui  cohibitus  fuit  a  Romanis,  quum  tentaret  eripere  Syriam  suo  regi,  erat  homo  foedissimus  et  corpore  et  animo,  et  nomen  etiam  inde  adeptus  est.  Nam  tantundem  valuit  cognomen  illud  Physconis,  ac  si  gallice  diceremus  andouille,  (foaxrj  enim  intestinum  est  illud  crassius,  quod  solet  farciri  aliis  intestinis.  Ille  ergo  ob  deformitatem  vocatus  fuit  quasi  ventricosus:  deformis  prorsus  erat,  et  similis  belluae;  deinde  nullo  ingenio,  nulla  ingenuitate  praeditus.  Ultimus  qui  Romanos  praefecit  tutores  filiis  suis,  fuit  AOXTJTIJC  Auletes,  quem  vocarunt  (ita  etiam  ipsum  vocat  Cicero)  fluteur,  quia  scilicet  immodice  delectabatur  tibiarum  cantu.  Igitur  in  utraque  regione  fuit  hor-  1