20:279  279  EPISTOLAE  4090.4092  280  separe  la  personne  de  Monsieur  de  Guise,  et  eusse  proteste  que  ceux  qui  damnent  les  gens  a  leur  opinion  soient  trop  hardis,  vous  avez  pris  le  propos  tout  au  rebours.  Voila  pourquoy  ie  me  deporte  de  vous  en  dire  plus  ne  bien  ne  mal.  Seulement  ie  vous  toucheray  ung  article,  que  tant  sen  fault  que  les  gens  de  bien  vous  aient  eu  en  haine  ou  horreur,  pour  estre  belle  mere  de  feu  monsieur  de  Guise,  qu'ils  vous  en  ont  tant  plus  aymee  et  honoree,  voiant  que  cela  ne  vous  destournoit  point  de  faire  droicte  profession  et  pure  de  chrestiente,  et  non  seulement  de  bouche,  mais  par  effectz  si  notables  que  rien  plus.  Quant  a  moy  ie  vous  proteste  que  cela  m'a  incite  davoir  voz  vertus  en  tant  plus  grande  admiration.  Je  viens  a  ung  aultre  propoz,  Madame,  cest  que  iay  entendu  que  Madame  la  duchesse  de  Savoie,  vostre  niepce,  est  en  assez  bon  train,  iusques  a  estre  deliberee  de  se  declairer  franchement.4)  Mais  vous  scavez  combien  il  y  a  de  destourbier  pour  la  reculer  ou  refroidir,  et  daultre  coste  elle  a  tousiours  este  assez  timide,  tellement  quil  est  a  craindre  que  ceste  bonne  affection  ne  demeure  la  comme  pendue  au  croc,  sinon  quon  la  sollicite.  Or,  Madame,  iestime  quil  ny  a  creature  en  ce  monde  qui  ait  plus  d'authorite  envers  elle  que  vous.  Pourquoy  ie  vous  vouldroie  bien  prier  au  nom  de  Dieu  de  ne  point  espargner  une  bonne  exhortation  et  vive,  pour  luy  donner  courage  a  la  faire  passer  plus  oultre  :  en  quoy  ie  me  tiens  asseure  que  vous  ferez  tout  debvoir,  selon  le  zele  que  vous  avez  que  Dieu  soit  honore  et  servy  de  plus  en  plus.  Madame,  apres  mestre  tres  humblement  recommande  a  vostre  bonne  grace,  ie  supplieray  le  pere  celeste  vous  avoir  en  sa  protection,  vous  gouverner  tousiours  par  son  esprit  et  maintenir  en  bonne  prosperite.  De  Geneve,  ce  4  davril  1564.  4)  Marguerite  de  France,  soeur  de  Henri  IL,  epouse  d'Emmanuel-Philibert  duc  de  Savoie*  Douee  du  caractere  le  plus  aimable  et  le  plus  genereux,  cette  princesse  inclinait  en  secret  vers  la  reforme.  Elle  mourut  en  1574,  laissant  une  memoire  veneree  dans  les  Eglises  des  vallees  du  Piemont  dont  elle  plaida  plusieurs  fois  la  cause  aupres  d'Emmanuel-  Philibert.  Voir  a  ce  sujet  deux  lettres  de  cette  princesse  aux  seigneurs  de  Geneve,  ecrites  au  mois  de  juin  1560.  Arch.  de  Geneve,  n0  1680.  {Bonnet)