8:278  Ne  quid  lectores  admittant  ab  immensa  Dei  bonitate  alienum,  vel  quo  in  eius  odium  potius  quam  in  amorem  incitentur.  Atque  hic  plenis  velis  in  Deum  invehitur,  si  quos  ab  ipsa  creatione  exitio  destinet.  Atqui,  etiam  si  tota  haec  doctrina  supprimatur,  nunquam  tamen  reprobos  deficiet  occasio,  quin  Deum  et  exosum  habeant  et  sacrilegiis  suis  impetant.  Sed  quaenam  illis  sit  obstrependi  ratio,  ubi  mens  Pauli  exposita  fuerit,  suo  loco  expendetur.  Nunc  quid  diserte  et  absque  ullis  ambagibus  exprimat  Paulus,  mecum  audire  ne  recusent  quicunque  sustinent  in  Dei  schola  doceri.  Duos  nobis  filios  Isaac  proponit,  qui  quum  ambo  in  sancta  domo,  quasi  in  Dei  sacrario,  pariter  geniti  sint,  tamen  in  dissimilem  sortem  Dei  oraculo  segregantur.  Causam  discriminis,  quae  alioqui  in  utriusque  meritis  quaesita  esset,  recondito1)  Dei  consilio  assignat,  ut  propositum  Dei  maneret.  Constitutum  Deo  fuisse  audimus,  ex  duobus  geminis  alterum  tantum  eligere.  Haec  Pauli  verba  Pighius  insulso  cavillo,  tanquam  porcus  rostro,  evertere  conatur.2)  Gratiae  electionem  fuisse  respondet,8)  quia  nihil  tale  promeritus  erat  Iacob.  Sed  quum  in  eo  gratiam  commendet  Paulus,  quod  altero  reiecto  unus  [pag.  49]  eligitur,  hic  certe  concidit  quod  fingit  Pighius  de  universali  gratia.  Non  simpliciter  docet  Paulus,  ut  stabilis  foret  Dei  electio,  Iacob  vitae  fuisse  nuncupatum  haeredem:  sed  fratre  posthabito,  ius  primogeniturae  illi  delatum.  Nec  vero  me  fugit  quid  oblatrent  quidam  alii  canes,  quid  etiam  obmurmurent  imperiti  :  Testimonia,  quae  citantur  a  Paulo,4)  neque  de  vita  aeterna,  neque  de  aeterno  exitio  tractare.  Verum  si  vera  theologiae  principia,  quae  trita  esse  decebat  omnibus  Christianis,  isti  tenerent,  paulo  modestius  loquerentur.  Responsum  enim  quod  Rebeccae  datum  fuit  (G-en.  25,  23),  eo  spectabat:  Dissidii,  quod  in  utero  sentiebat,  hunc  fore  exitum,  ut  penes  minorem  resideret  Dei  benedictio  et  vitae  aeternae  foedus.  Quorsum  enim  lucta,  nisi  quod  duo  simul  foederis  haeredes  esse  non  poterant,  quod  iam  arcano  Dei  consilio  uni  erat  destinatum?  Excipiunt,  ad  terram  Canaan  id  referri:  de  qua  etiam  sermo  apud  Malachiam  habetur  (Mal.  1,  2).5)  In  quo  forte  audiendi  essent,  si  Iudaeos  Deus  in  terra  Canaan,  quasi  pecudes  in  hara,  saginasset.  Atqui,  longe  diversum  est  prophetae  consilium.  Nam  et  quia  terram  illam  Deus  Abrahae  quasi  externum  potioris  haereditatis  symbolum  6)  promiserat,  et  eius  posteris  1)  estroit  et  cache.  2)  Hoc  comma  in  gallico  omissum.  3)  ils  sont  contraints  de  confesser.  4)  de  Moyse  et  du  prophete  Malachie  (Rom.  9,  12).  5)  de  Malachia  hic  tacet  Gallus.  6)  une  arre  ou  marreau.  18*