7:278  Videmus,  inquam,  lupum,  a  quo  devorantur  Christi  oves,  videmus  furem,  a  quo  abiguntur,  videmus  praedonem,  a  quo  mactantur,  et  hic  nobis  Christi  vicarius  erit?  35)  Themistocles  olim  Iustitiae  sacrum  facturus  exclamasse  fertur:  O  dea,  si  qua  usquam  es!  nos  de  conscientia  papae  non  rogabimus,  ubinam  sit,  dum  eam  testem  citat?  Excitare  interdum  ab  inferis  solent  rhetores,  quorum  personam  causae  suae  aptam  iudicant.  Sed  ubique2)  hoc  in  papa  locum  habet,  cui  neque  coeli  sunt  neque  inferi.  Qui  ergo  hanc  chimaeram  manibus  tenebit,  ille  Frenesium  pro  ecclesiae  pace  libenter  sanguinem  [pag.  73]  profusurum  credat.  At  si  rem  ipsam  intuemur,  quid  sit  alienum  sanguinem  fundere,  novit  Paulus,  suo  parcere  didicit.  Certe  etiam  si  hactenus  creditum  fuisset,  aliquam  conscientiae  particulam  in  papa  adhuc  manere,  hoc  tamen  tam  manifesto  periurio  apparet,  quam  omnem  Dei  timorem  et  hominum  reverentiam  abiecerit.  36)  Aequa  sane  conditio,  ut  papae  tradantur  iudicandi  Protestantes.  Quidni?  Ego  enim,  inquit,  sum  eorum  iudex.  Solusne?  Adiutores  sibi  in  concilium  assumit  venerandos  fratres  suos,  quos  etiam  honoris  parte  aspergit.  Tot  lupis  ut  tradatur  grex  ovium?  At  qualescunque  sint,  ipsorum  tamen  est  cognitio.  Si  olim  Paulo  dicere  licuit  de  pariete  dealbato:  Nesciebam  fratres,  quod  pontifex  esset,  quid  nobis  de  atris  istis  vulturibus  hodie  dicendum  erit?  Sed  ne  longior  sim,  tantum  hoc  dico,  sacerdotes  Domini  se  esse  ostendant,  et  iudicandi  potestatem  mox  illis  sine  difficultate  ulla  concedam.  Quales  autem  video,  merito  sciscitari  possum,  quisnam  eos  constituerit  arbitros  aut  iudices.  37)  Quo  elogio  principes  et  magistratus  civiles  ornat  spiritus  sanctus,  sicuti  quum  ex  loco  ipso  constat,  tum  etiam  ex  Christi  interpretatione,  illud  Constantinus,  homo  non  valde  exercitatus  [pag.  74]  in  scripturis,  et  si  verum  narrant  historiae,  tunc  1)  Princeps  habet-  dabis.  2)  Locus  Me  corruptus  videtur.  Quod  princeps  praebet:  ubique,  sensum  commodum  non  affert.  Caeterae  omnes  emendarit,  neque.  (Cela  n'a  point  de  lieu  au  Pape.)