6:278  Imo  quum  in  praecipuis  fidei  capitibus  post  hanc  praefationem  eos  multum  errare  constet,  quam  tutum  est,  nullo  discrimine  aut  delectu  habito,  pro  ecclesiae  traditione  suscipere,  quidquid  ipsi  tradunt?  Atque  id  est  quod  dixi,  ad  Dei  verbum  examinanda  esse  singula,  unde  palam  fiet,  quae  sit  germana  ecclesiae  traditio,  et  quid  rursum  sit  ab  ea  vel  dissentaneum,  vel  extraneum.  Alioqui  illa,  quae  omnes  pariter  repudiamus,  Tertulliani  et  Origenis  deliria  pro  oraculis  recipienda  erunt.  Sed  illud  alterum  multo  etiamnum  est  iniquius,  ut  quae  a  sanctis  patribus  dicta  sunt  non  male,  si  sanum  modo  et  candidum  habeant  interpretem,  mixtura  et  artificio  Pighii  fucus  fiant,  ad  ornandas  et  colorandas  impias  opiniones,  quas  ipsi  patres  si  hodie  viverent,  non  minus  quam  nos,  exsecrarentur.  Irenaeus  apostolorum  discipulos  viderat.  Ipse  et  Tertullianus  paucos  episcopos  referunt,  qui  ad  suam  usque  aetatem  apostolis  successerant.  Vivebant  tum  adhuc  multi  senes,  quibus  vivis  ipsi  apostolorum  sermones  familiariter  ex  patrum  suorum  narratione  noti  erant.  Non  mirum  igitur,  si  pro  apostolica  traditione  obiiciunt,  quod  tunc  communiter  in  primis  ecclesiis  non  modo  receptum  erat,  sed  pro  certo  fidei  dogmate,  quod  Paulus,  Petrus,  et  reliqui  eorum  collegae  nuper  prodidissent,  fixum  et  stabile  habebatur.  Et  tamen  Origenes,  qui  tempore  non  multum  ab  illis  differebat,  inter  fidei  principia  numerat  quasdam  sententias,  quibus  si  non  anathema  dixerit  Pighius,  a  suis  quoque  lapidabitur.  Nunc  post  tot  tantasque  conversiones,  post  talem  ecclesiarum  dissipationem,  imo  ruinam,  supercilioso  fastu,  pro  traditione  apostolica  venditare,  quidquid  quacunque  occasione,  nullo  certo  vel  tempore  vel  autore,  obrepserit,  quantum  obsecro  securitatis  habet?  At  Pighius1)  non  nisi  [pag.  64]  primos  illos  ecclesiae  proceres  citat,  sub  quibus  adhuc  florebat  religionis  puritas.  Sed  in  quem  finem?  nisi  ut  colorem,  vel  larvam  qualemcunque  crassis  impietatibus  inducat,  quibus  ullam  occasionem  dare  nunquam  sanctis  illis  viris  in  mentem  venit:  tantum  abest  ut  nunc  velint  illis  sua  scripta  suffragari.  Tantum  lectores  hortor,  ut  vetusta  illa  tempora  cum  nostris  conferant:  deinde  iudicare  per  se  poterunt,  qua  sinceritate,  aut  quo  pudore,  illorum  patrocinio  causam  suam  fulciat.  Audiamus  tamen  quae  ex  illis  testimonia  adducat.  Id  autem  habet  propositum,  ut  illos  omnes,  uno  simul  ore,  liberum  arbitrium  asserere  demonstret.  Unde  postea  duo  infert:  nos  esse  manifestos  haereticos,  qui  a  perpetuo  ecclesiae  consensu,  hoc  est,  traditione  apostolica  dissentiamus,  et  me  impudenter  mentitum  esse,  qui  scriptores  omnes  eccle-  1)  At  nunc  Pighius,  praeter  principem  omnes  scribunt.  18*