55:278  vindicet:  ideoque  illi  scelerate  eripiant  homines  quod  suum  est,  dum  eius  gloriam  ulla  in  re  aut  parte  obscurant.  12.  Dilecti,  ne  miremini  quum  exploramini  per  ignem  ad  probationem  vestris  perinde  ac  si  novum  aliquid  vobis  obtingat:  13.  Sed  quatenus  consortes  estis  passionum  Christi,  gaudete:  ut  in  revelatione  quoque  gloriae  eius  gaudeatis  exsultantes.  14.  Si  probris  afficimini  in  nomine  Christi,  beati  estis:  quoniam  spiritus  gloriae  et  Dei  super  vos  re  quiescit.  Secundum  ipsos  quidem  contumelia  afficitur  :  secundum  vos  autem  glorificatur.  15.  Ne  quis  enim  vestrum  patiatur  ut  homicida,  aut  fur,  aut  maleficus,  aut  cupide  rebus  alienis  inhians.  16.  Si  autem  ut  Christianus,  ne  pudefiat,  imo  glorificet  Deum  in  hac  parte.  17.  Quandoquidem  et  tempus  est  ut  iudicium  incipiat  a  domo  Deu  12.  Dilecti,  ne  miremini.  Frequens  in  hac  epistola  afflictionum  fit  mentio:  causam  alibi  exposuimus.  Sed  observandum  est  discrimen:  quod  interdum  ubi  ad  patientiam  hortari  vult  fideles,  de  communibus  vitae  humanae  aerumnis  in  genere  loquitur  :  hoc  autem  loco  sermonem  habet  de  iniuriis,  quas  sustinent  fideles  propter  Christi  nomen.  Ac  primum  quidem  admonet,  non  debere  ipsos  tanquam  in  re  subita  vel  inopinata  mirari  :  quo  significat,  eos  prius  longa  meditatione  ad  ferendam  crucem  debere  esse  comparatos.  Quisquis  enim  hoc  sibi  proposuit,  militandum  sub  Christo  esse,  si  qua  persequutio  inciderit,  non  consternabitur:  sed  tanquam  assuefactus,  patienter  eam  feret.  Ergo  ut  praesenti  simus  animo,  quum  excipiendi  sunt  persequutionum  fluctus,  mature  assuefieri  nos  oportet  ad  meditationem  assiduam  crucis.  Porro,  duobus  argumentis  utile  nobis  esse  crucis  exercitium  probat:  quod  scilicet  hoc  modo  fidei  nostrae  experimentum  Deus  capit  :  deinde  quod  sumus  Christi  consortes.  Primo  itaque  loco  hoc  nobis  in  mentem  veniat,  examen  hoc,  quo  probatur  fides  nostra,  esse  plusquam  necessarium:  itaque  libenter  obtemperandum  esse  Deo,  dum  saluti  nostrae  consulit.  Praecipua  tamen  consolatio  ex  Christi  societate  petenda  est.  Ideo  non  tantum  mirari  vetat  Petrus,  quum  eam  nobis  proponit:  sed  gaudere  etiam  iubet.  Est  quidem  et  illa  gaudii  materia,  quod  Deus  ad  fidei  nostrae  probationem,  persequutionibus  nos  exercet:  sed  haec  altera  gaudii  species  longe  exsuperat,  quod  in  suum  ordinem  nos  aggregat  filius  Dei,  ut  in  beatam  coelestis  gloriae  societatem  nos  secum  adducat.  Tenendum  est  enim  axioma  illud,  nos  mortificationem  Christi  in  carne  nostra  ferre,  ut  vita  eius  manifestetur  in  nobis.  Plurimas  quidem  afflictiones  etiam  reprobi  sustinent:  sed  quia  separati  sunt  a  Christo,  nihil  praeter  iram  Dei  et  maledictionem  concipiunt.  Ita  fit  ut  eos  tristitia  et  horror  penitus  absorbeat.  Hinc  igitur  tota  18*